ជីវិតកម្សាន្ដ

តារាចម្រៀងសិចស៊ី Kratae ជួបឧបទ្ទវហេតុដួលបាក់ចង្កា ដេរ៧ថ្នេរ

បានផុស

៤ នាទី មុន

នៅ

ថ្ងៃអង្គារ ៧ វិច្ឆិកា ២០២៣

ដោយ

តារាចម្រៀងថៃនាង Kratae Rsiam បានជួបឧបទ្ទវហេតុមួយក្នុងទីក្រុង Venice ប្រទេសអ៊ីតាលី បណ្តាលឲ្យបាក់ចង្កា ហូរឈាម និងរបួសយ៉ាងធ្ងន់ធ្ងរគួរឲ្យខ្លាចរហូតដល់ថ្នាក់ដេរអស់៧ថ្នេរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈឃ្លិបវីដេអូដែលបង្ហាញពីហេតុការណ៍ដ៏រន្ធត់មួយបានកើតឡើង នៅពេលដែលនាងទើបទៅដល់បន្ទប់គេងដើម្បីផ្លាស់សំលៀកបំពាក់ ហៀបនឹងចុះទៅថតរូបទូក តែបែរជារអិលជើងដួលបោកក្បាលចង្កៀងក្នុងបន្ទប់។ ភ្លាមៗនោះដែរមុខរបស់នាងស្រាប់តែមានឈាមស្រោចលើពាសពេញ រហូតធ្វើឲ្យអ្នកទស្សនាមានការភ័យរន្ធត់យ៉ាងខ្លាំង។

នៅក្នុងព្រឹត្តិការណ៍នេះ អ្នកលេងអ៊ីនធឺណិតមួយចំនួនបានចូលមកបញ្ចេញមតិ និងរិះគន់ក្នុងន័យអវិជ្ជមាន។ អ្នកខ្លះថា នាងហ៊ានបោះទុនច្រើន ដើម្បីបង្កើតព័ត៌មានឲ្យកក្រើកឬចង់ល្បីប៉ុណ្ណោះ។

ទោះយ៉ាងណាក៏ដោយ កាលថ្ងៃទី ០៦ ខែវិច្ឆិកា ឆ្នាំ២០២៣ ស្រាប់តែចេញមុខមកបង្ហោះ វាយបកអ្នកលេងអ៊ីនធឺណិតថា “ខ្ញុំដួលទាំងចង្ការបស់ខ្ញុំដូចនេះ។ នៅតែមានអ្នកបញ្ចេញមតិនិយាយថា ខ្ញុំថតឃ្លិបបែបចង់ល្បីទៅវិញ។ យកនិន្នាការ? ហា!! តើអ្នកគិតយ៉ាងណា? តើអ្នកគិតថាខ្ញុំលេងសើចណាស់?”