អបអរសាទរ! អ្នកនិពន្ធ ស៊ុយ លីនប៉ាវ ក្លាយជាម្ចាស់ជយលាភីសរសេររឿងល្ខោនវិទ្យុ “ការបៀតបៀនស្រី្ដលើប្រព័ន្ធ​អ៊ីនធឺណិត​”

គួរសរសើរ និងត្រេកអរដល់អ្នកនិពន្ធវ័យក្មេង ស៊ុយ លីនប៉ាវ ដែលដណ្ដើមបានជយលាភីលេខ១ ផ្នែកសរសេររឿងល្ខោនវិទ្យុរបស់មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) ឆ្នាំ ២០២១។

ជាអតីតម្ចាស់ជយលាភី ពានរង្វាន់ព្រះនាងឥន្ទ្រទេវី ឆ្នាំ ២០២០ នាឆ្នាំ ២០២១ នេះ អ្នកនិពន្ធ ស៊ុយ លីនប៉ាវ បានឈ្នះស្នាដៃថ្មីមួយទៀតក្នុងការប្រកួតប្រជែងសរសេរររឿងល្ខោនវិទ្យុក្រោមប្រធានបទ “ការបៀតបៀនស្រី្ដលើប្រព័ន្ធអ៊ិនធឺណេត” ដែលរៀបចំដោយ CCIM។ ចំពោះស្នាដៃដែលសមាជិកនៃក្រុមអ្នកនិពន្ធ​ទសប៉ាកកា រូបនេះបានទទួលជយលាភីគឺ រឿង “ជនដែលត្រូវគេបំពាន”។

ក្រៅពីរកឃើញអ្នកជាប់លេខ១ក្នុងការប្រណាំងប្រជែងនេះ មជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ ក៏បានប្រកាសលទ្ធផលអ្នកឈ្នះ២ផ្សេងទៀត ដែលជយលាភីបន្ទាប់បានទៅលើរឿង “ខ្ញុំខុសអី” របស់អ្នកនិពន្ធ តុន ​ច័ន្ធរិទ្ធិ និងជយលាភីទី៣បានទៅលើរឿង “កូនគេកូនយើង ប្អូនយើងប្អូនយើង” របស់អ្នកនិពន្ធ ​អេង ស៊ិនវិច្ឆិកា៕

អត្ថបទ៖ សន្យា

ចុចអាន៖ ទស្សនៈនានាអំពីកម្រងនិទាន “សង្វៀនផ្លូវងងឹត” ដែលឆ្លុះបញ្ចាំងប្រពៃណី និងអបិយជំនឿដូនតាខ្មែរ

ចុចអាន៖ CEO ផលិតកម្ម Sastra រៀបរាប់ជីវិតតស៊ូ បាក់ទឹកចិត្ត តែមិនចុះចាញ់ រហូតដល់មានថ្ងៃនេះ