ជីវិតកម្សាន្ដ

អ្នកសិល្បៈ៥រូបទទួលបានការចាក់វ៉ាក់សាំងការពារកូវីដ-១៩រួចរាល់

បានផុស

៣ years មុន

នៅ

ថ្ងៃសុក្រ ២៦ កុម្ភៈ ២០២១

ដោយ

ខណៈដែលជំងឺកូវីដ-១៩បាននឹងកំពុងផ្ទុះឡើងជាថ្មីបង្កក្តីព្រួយបារម្ភដល់ប្រជាពលរដ្ឋទូទាំងប្រទេសនោះ មុននេះគេសង្កេតឃើញមានតារាសិល្បៈប្រុស-ស្រីចំនួន៥រូបទទួលបានការចាក់វ៉ាក់សាំងការពារជំងឺកូវីដរួចរាល់ហើយដែរ។

តារាសិល្បៈដែលទទួលបានការចាក់វ៉ាក់សាំងទាំង៥រូបនោះរួមមាន, ១.ពិធីការិនីសម្លេងស្រទន់អ្នក នាង ស៊ឹម សូលិកា ,២.តារាចម្រៀងប្រុសលោក ទិត្រ វិច្ឆិកា ,៣.តារាសម្តែងលោក យុត្ថារ៉ា ឆានី ,៤ . តារាសម្តែងកញ្ញា ពេជ្រ ចរណៃ និង៥.តារាចម្រៀម អោក សុម៉ាវត្តី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈរូបភាពនៃការចាក់វ៉ាក់សាំងការពារជំងឺកូវីដ-១៩តារាទាំង៥រូបខាងលើក៏បានថ្លែងការអរគុណដែលរាជរដ្ឋាភិបាលកម្ពុជាផងដែរ។ជាមួយគ្នានោះដែរ ពួកគេក៏បានថ្លែងនូវការកោតសរសើរដល់ក្រុមគ្រូពេទ្យដែលរៀបចំការចាក់វ៉ាក់សាំងបង្ការនេះប្រកបដោយភាពរួសរាយរាក់ទាក់និងយកចិត្តទុកដាក់ខ្ពស់បំផុតតាមវិធានការរបស់ក្រសួងសុខាភិបាល។ ដោយឡែកបើតាមការបង្ហើបពីលោក ហេង ឡុង បានប្រាប់កម្ពុជាថ្មីថាបើតាមលោកដឹងគឺមានអ្នកសិល្បៈប្រមាណ១០រូបហើយដែលទទួលបានការចាក់វ៉ាក់សាំងការពារកូវីដ-១៩ខណៈដែលពួកគាត់ក្រៅពីអាជីពសិល្បៈក៏មានក្របខ័ណ្ឌជាមន្ត្រីយោធាផងនោះ។

លោកបញ្ជាក់បន្ថែមថា សម្រាប់អ្នកសិល្បៈប្រមាណ២០នាក់ទៀតដែលជាក្រុមស្ថិតនៅសមាជិកសមាគមន៍របស់លោកនោះក៏ត្រៀមនឹងចាក់វ៉ាក់សាំងការពារជំងឺកូវីដ-១៩ឆាប់ៗនេះដែរពោលគឺរង់ចាំចាក់ព្រមគ្នាជាមួយក្រសួងវប្បធម៌និងវិចិត្រសិល្ប:៕

អត្ថបទ ៖ ចាន់រ៉ា