ជីវិតកម្សាន្ដ

លៀក លីដា ៖ តាមរយៈរឿង”ប្រវត្តិស្នេហ៍នាងនាថ” ខ្ញុំមានចេតនាចង់ឲ្យអ្នកទស្សនាយល់ច្បាស់ពីតម្លៃសន្តិភាព

បានផុស

២ years មុន

នៅ

ថ្ងៃពុធ ៧ សីហា ២០២៤

ដោយ

ផលិតករភាពយន្តខ្មែរ និងជាអ្នកដឹកនាំសម្តែងលោក លៀក លីដា បានបញ្ជាក់ពីគោលបំណង និងឆន្ទៈថា តាមរយៈរឿង “ប្រវត្តិស្នេហ៍នាងនាថ ” គឺលោកពិតជាមានចេតនាចង់ឲ្យអ្នកទស្សនាយល់ច្បាស់ពីតម្លៃនៃសន្តិភាព និងយល់ច្បាស់នូវការលះបង់សាច់ស្រស់ ឈាមស្រស់របស់មេទ័ពដើម្បីការពារជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងរបស់លោក លៀក លីដា នេះស្របពេលដែលរឿង “ប្រវត្តិស្នេហ៍នាងនាថ” កំពុងទទួលបានការគាំទ្រ និងចាប់អារម្មណ៍ខ្លាំងពីទស្សនិកជនគ្រប់មជ្ឈដ្ឋាន បន្ទាប់រឿងនេះត្រូវបានធ្វើពិធីសម្ពោធដាក់បញ្ចាំងកាលពីថ្មីៗកន្លងមកនេះ។ រឿង«ប្រវត្តិស្នេហ៍នាងនាថ» គឺជាភាពយន្តខ្នាតធំដែលបង្ហាញពីអត្តសញ្ញាណជាតិខ្មែរ និងចាយទុនផលិតរហូតជាង ១លានដុល្លារឯណ្ណោះ។

លោក លៀក លីដា បានឲ្យដឹងថា“តាមរយៈរឿងប្រវត្តិស្នេហ៍នាងនាថ គឺខ្ញុំពិតជាមានចេតនាចង់ឲ្យអ្នកទស្សនាយល់ច្បាស់ពីតម្លៃនៃសន្តិភាព នឹងយល់ច្បាស់ពីការលះបង់សាច់ស្រស់ ឈាមស្រស់របស់មេទ័ពដើម្បីការពារជាតិ ជាពិសេសគឺថ្នាក់ដឹកនាំគ្រប់រូប គ្រប់ជាន់ថ្នាក់ដែលលោកបានខំតស៊ូរកសន្តិភាពជូនប្រទេសកម្ពុជា“។

ផលិតករខ្មែររូបនេះបានលើកឡើងទៀតថា លោកក៏មានចិត្តគោរពអញ្ជើញថ្នាក់ដឹកនាំគ្រប់ជាន់ថ្នាក់មកទស្សនារឿងរឿង «ប្រវត្តិស្នេហ៍នាងនាថ» ដោយផ្ទាល់ផងដែរ ប៉ុន្តែមិនដឹងធ្វើតាមណា។ លោក លៀក លីដា ធ្លាប់បញ្ជាក់ថា រឿង«ប្រវត្តិស្នេហ៍នាងនាថ » ជារឿង ខ្មែរពិតៗមិនបានចម្លងមកពីប្រទេសណាមួយឡើយ។

គួររម្លឹកថា កន្លងមកលោក លៀក លីដា បាននិយាយថា រឿង«ប្រវត្តិស្នេហ៍នាងនាថ» គឺត្រូវបានចងក្រង និងប្រមូលនៅអ្វីដែលដូនតាយើងបានបន្សល់ទុកឲ្យ ហើយនៅក្នុងសាច់រឿងនេះទាំងមូលបានបង្កប់នូវសិល្បៈ វប្បធម៌ របស់ខ្មែរយើង ជាពិសេសខ្លឹមសារនៃការអប់រំ និងតម្លៃនៃសន្តិភាព៕

អត្ថបទ៖ ចាន់រ៉ា