ជីវិតកម្សាន្ដ

ឱក សុគន្ធកញ្ញា និង ក្រុមគ្រួសារ បន្តធ្វើចត្តាឡីស័ក ១៤ ថ្ងៃនៅផ្ទះ រង់ចាំតេស្តកូវីដ-១៩ លើកទី ២

បានផុស

៥ years មុន

នៅ

ថ្ងៃព្រហស្បតិ៍ ១១ មីនា ២០២១

ដោយ

ក្រោយដឹងលទ្ធផលអវិជ្ជមានកូវីដ១៩ អ្នកនាង ឱក សុគន្ធកញ្ញា ព្រមទាំងក្រុមគ្រួសារ បានបន្តធ្វើចត្តាឡីស័ករយៈពេល១៤ថ្ងៃ រងចាំការធ្វើតេស្ដរកជំងឺកូវីដ១៩ជាលើកទី២ នេះបើយោងតាមហ្វេសប៊ុកផេកផ្លូវការរបស់អ្នកនាងនៅមុននេះបន្តិច ព្រឹកថ្ងៃទី១១ ខែមីនា ឆ្នាំ២០២១។

តារាចម្រៀងស្រីរបស់ផលិតកម្មហង្សមាសរូបនេះ បានបញ្ជាក់ថា សម្រាប់នាងខ្ញុំ និងក្រុមគ្រួសារព្រមទាំងបុត្រ បានចូលរួមធ្វើតេស្ត លើកទីមួយរកមេរោគជំងឺកូវីដ១៩ ពេលនេះនាងខ្ញុំបានទទួលលទ្ធផលរួចហើយគឺ អវិជ្ជមាន (Negative) ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែក្នុងអំឡុងពេលនេះនាងខ្ញុំ និងក្រុមគ្រួសារក៏កំពុងធ្វើចត្តាឡីស័ករយះពេល១៤ថ្ងៃ បន្តតាមដានសុខភាព ដើម្បីធ្វើតេស្តជាលើកទី២ បន្តទៀត តាមការណែនាំរបស់ក្រសួងសុខាភិបាល ។ អរគុណណាស់ដល់ពុកម៉ែបងប្អូន អ្នកស្រលាញ់គាំទ្រនាងខ្ញុំទាំងអស់គ្នាដែលបានបារម្ភនិងសួរសុខទុក្ខជាច្រើនដែលនាងខ្ញុំមិនបានឆ្លើយតបបានទាំងអស់គ្នា ។

គួរំលឹកថា គិតត្រឹមថ្ងៃទី១០ ខែមីនា ម្សិលមិញនេះ បុគ្គលិករបស់ផលិតកម្មហង្សមាសចំនួន៧នាក់ហើយ ដែលធ្វើតេស្ដវិជ្ជមានជំងឺកូវីដ១៩ និងកំពុងតាមដានសុខភាពជាច្រើននាក់ទៀតផងដែរ៕

អត្ថបទ ៖ សុខុម