ជីវិតកម្សាន្ដ

សួ វិចិត្រ រំភើប ក្រោយដឹងលទ្ធផលប្អូនស្រីប្រឡងជាប់បាក់ឌុបនិទ្ទេស D

បានផុស

២ years មុន

នៅ

ថ្ងៃសុក្រ ១ វិច្ឆិកា ២០២៤

ដោយ

តារាចម្រៀង លោក សួ វិចិត្រ ដែលជាម្ចាស់ពានកម្មវិធីប្រឡងចម្រៀងលំដាប់ពិភពលោក Beat The Best Cambodia រដូវកាលទី ១ បានសម្តែងក្តីរំភើបខ្លាំង បន្ទាប់ពីដឹងលទ្ធផលរបស់ប្អូនស្រីប្រឡងជាប់បាក់ឌុបនិទ្ទេស D។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនាមជាបងប្រុស តារាចម្រៀង សួ វិចិត្រ បានបង្ហាញការសប្បាយចិត្តខ្លាំង ដោយពោលពាក្យថា លទ្ធផលបាក់ឌុបរបស់ប្អូនស្រីលោក គឺ និទ្ទេស D ដោយមុខវិជ្ជាខ្មែរគាត់បាននិទ្ទេស B ហើយកាលលោកប្រឡងក៏ជាប់ដោយសារមុខវិជ្ជាខ្មែរផងដែរ។

លោក សួ វិចិត្រ បានរម្លឹកអារម្មណ៍របស់ខ្លួនថា លោកខំចិញ្ចឹមអស់លុយច្រើនណាស់ និងជេរឡើងបះសក់ ហើយដាស់តឿនឲ្យខំរៀន ព្រោះចង់ឲ្យប្អូនល្អ កាលលោកនៅរៀនគឺវេទនាណាស់ ធ្វើសន្តិសុខផង លេងភ្លេងផង អត់ងងុយ ឈឺ គ្មានទាំងលុយដេកពេទ្យផង តែលោកនៅតែប្រឡងជាប់។

តារាចម្រៀងលោក សួ វិចិត្រ បញ្ជាក់បន្ថែមថា លោកគ្មានអ្វីចែកឲ្យទេ តែខ្លួនមានលុយទុកឲ្យប្អូនរៀន ហើយគ្រួសារលោកក្រយូរហើយ ដូច្នេះត្រូវកែប្រែប្រវត្តិសាស្ត្រគ្រួសារឲ្យបាន។ ពួកលោកអាចធ្វើបាន ពេលនេះគ្រាន់តែឮដំណឹងភ្លាម លោករីករាយណាស់ខំបន្តទៀតនៅសាកលវិទ្យាល័យ។

លោក សួ វិចិត្រ បច្ចុប្បន្នត្រូវបានគេមើលឃើញថា អាជីពសិល្បៈរបស់លោកកំពុងតែមានទីផ្សារចេញច្រៀងច្រើនគួរសម។ ពិតណាស់ កាលពីរាត្រីថ្ងៃទី ០៦ ខែមីនា ឆ្នាំ ២០២២ កន្លងទៅ តារាប្រុសរូបនេះ បានសម្រេចនូវក្ដីស្រមៃរបស់ខ្លួនដែលបានក្លាយជាម្ចាស់ពានកម្មវិធីប្រឡងចម្រៀងលំដាប់ពិភពលោក Beat The Best Cambodia រដូវកាលទី ១ ក្រោយពីធ្វើការប្រឡងប្រជែងនឹងបេក្ខភាពខ្លាំងៗ ជាច្រើនវគ្គនោះ៕

អត្ថបទ ៖ ចាន់រ៉ា

Related Topics:តារាខ្មែរ សួ វិចិត្រ

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា