ជីវិតកម្សាន្ដ

រៀបការជិត ១ ឆ្នាំ គូម៉ា សួរអ្នកគាំទ្រថា ពេលលោកមានប្រពន្ធកូន តើនៅមានអ្នកបន្តស្រលាញ់គាំទ្រទៀតទេ?

បានផុស

១ year មុន

នៅ

ថ្ងៃអង្គារ ៤ កុម្ភៈ ២០២៥

ដោយ

ក្រោយរៀបការរយៈពេលប្រមាណជិត ១ ឆ្នាំ តារាចម្រៀងមនោសញ្ចេតនា លោក គូម៉ា សួរអ្នកគាំទ្រថា ពេលដែលលោកមានប្រពន្ធកូន តើនៅមានអ្នកបន្តស្រលាញ់គាំទ្រទៀតទេ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងប្រុស លោក គូម៉ា បន្ទាប់ពីរៀបអាពាហ៍ពិពាហ៍តាមប្រពៃណីខ្មែរជាមួយ អ្នកនាង ម៉ៅ គឹមធីតា ដែលជាតារាសម្ដែង កាលពីឆ្នាំ ២០២៤ កន្លងទៅ និង ទទួលបានចំណងដៃកូនប្រុសដំបូងម្នាក់នោះ ស្រាប់តែថ្មីៗ នេះ លោកបានបង្ហោះសារតាមរយៈបណ្ដាញសង្គមហ្វេសប៊ុកផ្ទាល់ខ្លួន ហាក់បារម្ភ និងចោទជាសំនួរទៅកាន់អ្នកគាំទ្រថា «សំនួរមួយនេះ សុំសួរជាពិសេសទៅកាន់ហ្វេនៗ និងអ្នកគាំទ្ររូបខ្ញុំ រហូតមក តើអ្នកនៅតែបន្តស្រលាញ់គាំទ្រខ្ញុំបន្តទៀតទេ ក្នុងអាជីពសិល្បៈរបស់ខ្ញុំ នៅពេលដែលខ្ញុំមានប្រពន្ធមានកូន?»។

តារាចម្រៀង លោក គូម៉ា បន្តថា ព្រោះគេតែងតែនិយាយថា នៅពេលដែលអ្នកសិល្បៈមានគ្រួសារ មានកូននោះ នឹងធ្លាក់ប្រជាប្រិយភាព តើពិតមែនឬទេហ្វេនៗ?

លោក គូម៉ា បន្តទៀតថា តែសម្រាប់លោក គឺចង់បង្ហាញប្រាប់អ្នកគាំទ្រថា នេះគឺជាគ្រួសាររបស់លោក។ លោកក៏បានអរគុណខ្លាំងបំផុតសម្រាប់អ្នកគាំទ្រដែលគាំទ្ររហូតមកដល់លោកមានថ្ងៃនេះ។

គួរជម្រាបថា តារាចម្រៀងប្រុស លោក គូម៉ា និង តារាសម្ដែងវ័យក្មេង អ្នកនាង ម៉ៅ គឹមធីតា បានសម្រេចចិត្តចូលរោងការ កាលពីថ្ងៃទី ៣ ខែឧសភា ឆ្នាំ ២០២៤ កន្លងទៅ បន្ទាប់ពីអ្នកទាំងពីរភ្ជាប់ទំនាក់ទំនងស្នេហ៍ជាមួយគ្នាអស់រយៈពេលជាច្រើនឆ្នាំ និង ទទួលបានចំណងដៃកូនប្រុសដំបូងម្នាក់ ឈ្មោះ បូឡា គូម៉ាបាហ៊ូ។

បច្ចុប្បន្ន លោក គូម៉ា តារាចម្រៀងមនោសញ្ចេតនាដែលមានសំនៀងស្រទន់រូបនេះ មិនបានបោះបង់អាជីពសិល្បៈរបស់ខ្លួនឡើយ ពោលនៅតែបន្តបម្រើអារម្មណ៍ទស្សនិកជនតាមរយៈសំនៀងក្នុងបទចម្រៀងថ្មីបន្តបន្ទាប់ទៀត បើទោះបីលោកមានប្រពន្ធកូនក៏ដោយ៕

អត្ថបទ ៖ ពិសី