ជីវិតកម្សាន្ដ

តារាចម្រៀងជើងចាស់កូរ៉េ Song Dae-gwan ទទួលមរណភាព ចំថ្ងៃរំលឹកខួបម្ដាយ

បានផុស

១ year មុន

នៅ

ថ្ងៃសៅរ៍ ៨ កុម្ភៈ ២០២៥

ដោយ

Song Dae-gwan ដែលជាជើងខ្លាំងនៃតន្ត្រីរបស់កូរ៉េ បានទទួលមរណភាពដោយសារគាំងបេះដូង ក្នុងអាយុ ៧៨ ឆ្នាំ កាលពីព្រឹកថ្ងៃទី៧ ខែកុម្ភៈ ។ យោងតាមភ្នាក់ងារ គាត់បានបញ្ជូនទៅបន្ទប់សង្គ្រោះបន្ទាន់នៅមន្ទីរពេទ្យ Seoul National University Hospital ប៉ុន្មានថ្ងៃមុន ដោយសារការត្អូញត្អែរពីការឈឺចាប់ និងបានទទួលការព្យាបាលយ៉ាងយកចិត្តទុកដាក់ពីគ្រូពេទ្យ។

យ៉ាងណា ថ្ងៃទី ០៧ ខែកុម្ភៈ ដែលជាថ្ងៃដែលស្ដេចចម្រៀងប្រចាំប្រទេសកូរ៉េបានទទួលមរណភាព ក៏ជាថ្ងៃរំលឹកខួបដល់ម្តាយរបស់គាត់ផងដែរ។ ម្តាយរបស់គាត់ឈ្មោះ Guk Gapsul កើតនៅឆ្នាំ ១៩២០ ហើយបានទទួលមរណភាពនៅថ្ងៃទី ០៧ ខែកុម្ភៈ ឆ្នាំ ២០១៦ បន្ទាប់ពីបានប្រយុទ្ធនឹងជំងឺដាច់សរសៃឈាមខួរក្បាលអស់រយៈកាលជាយូរ។

Song Dae Kwan បង្ហាញខ្លួនដំបូងក្នុងឆ្នាំ ១៩៦៧ ហើយបានក្លាយជារូបតំណាងក្នុងឆាកតន្ត្រីកូរ៉េអស់រយៈពេលជាច្រើនទសវត្សរ៍មកហើយ។ បទចម្រៀងពេញនិយមបំផុតរបស់គាត់រួមមាន «Four Bears, One Ticket និង Popular Song ។ គាត់ត្រូវបានគេចាត់ទុកថាជាមនុស្សម្នាក់ក្នុងចំណោមតារាជួរមុខផ្សេងៗទៀតដូចជា Tae Jin Ah, Hyun Cheol និង Seol Woon Do ។

ពិធីបុណ្យសពរបស់តារាជើងចាស់ ត្រូវបានគេរៀបចំឡើងនៅបន្ទប់ទី១ នៃសាលបុណ្យសពនៅមន្ទីរពេទ្យ Seoul National University Hospital ក្នុងទីក្រុង Jongno-gu ទីក្រុងសេអ៊ូល នៅរសៀលថ្ងៃនោះ។ ដំណើរទស្សនកិច្ចនេះ ត្រូវបានកំណត់នៅម៉ោង ១:៣០ រសៀល។ នៅថ្ងៃទី០៨ ពិធីបុណ្យសពនឹងប្រព្រឹត្តទៅនៅម៉ោង១១ ព្រឹក ហើយថ្ងៃទី ៩ សពនឹងត្រូវបញ្ចូនទៅកាន់កន្លែងបញ្ចុះសពSeoul Memorial Park ៕