ក្រោយវះកាត់ប្តូរក្រលៀនថ្មី នាយ តាក់ស៊ី បង្ហើបស្ថានភាពសុខភាព ខណៈធូរស្រាលប្រហែល ៥០-៦០%

ក្រោយមហាជនអ្នកគាំទ្រ និងអ្នកសិល្ប:មួយចំនួនបានសួរនាំចង់ដឹងបញ្ហាសុខភាព បន្ទាប់ពីវះកាត់ប្តូរក្រលៀនហើយនោះ តារាកំប្លែងស្ងួត នាយ តាក់ស៊ី ថ្មីៗនេះបានចេញមុខបញ្ជាក់ថា ពេលនេះសុខភាពរបស់គាត់បានធូរស្រាលច្រើនប្រមាថ ៥០ ទៅ ៦០ភាគរយ ។

ជាការពិតតារាកំប្លែងស្ងួតនាយ តាក់ស៊ី បន្ទាប់ពីធ្លាក់ខ្លួនឈឺខូចក្រលៀនកាលពីថ្មីៗកន្លងទៅ គឺទទួលបានការវះកាត់ប្ដូរក្រលៀនថ្មីដោយជោគជ័យហើយនៅមន្ទីរពេទ្យក្រៅប្រទេស។ ឆ្លើយតបការសួរនាំរបស់នាយ ចឺម ជុំវិញបញ្ហាសុខភាពតារាកំប្លែងនាយ តាក់ ស៊ី បានឱ្យដឹងថា ឥឡូវនេះសុខភាពខ្ញុំបានរៀងធូរច្រើនហើយនិងអរគុណទឹកចិត្តនាយ ចឺម ក៏ដូចជាបងប្អូនដែលតែងតែបារម្ភនិងសួរសុខទុក្ខ។

នាយ តាក់ស៊ី បានបន្តថានាយអរគុណផងដែរសម្រា ប់ទឹកចិត្តសប្បុរសជនដែលបានជួយឧបត្ថម្ភថវិការដ ល់ខ្លួន ។ ដោយឡែកឆ្លើយនឹងការសួរនាំរបស់នាយ ក្រូចថាហេតុអ្វីបានជាសម្លេងខ្សោយម្ល៉េះ? ចំណុចនេះនាយ តាក់ស៊ី បានបញ្ជាក់ថា ដោយសារខ្លួននៅមិនទាន់សូវមានកំលាំងដូចដើម ហើយម្យ៉ាងព្រោះតែខ្សោយបើនិយាយច្រើនគឺបណ្តាលឱ្យហត់។

ស្ថិតក្នុងអាយុ ៤៥ឆ្នាំ តារាកំប្លែងនាយ តាក់សុី កាលពីថ្មីៗកន្លងទៅបានទើបប្រទះជំងឺទឹកនោមផ្អែមធ្វេីឱ្យខូចក្រលៀននិងទឹកដក់ក្នុងសួតផងដែរ។ ក្នុងការព្យាបាលនាយ តាក់ស៊ី ត្រូវការដូរក្រលៀនម្ខាងគឺត្រូវចំណាយលុយចំនួនខ្ទង់ ៥ម៉ឺនដុល្លារ ខណ:ភ្លាមៗនោះដែរនាយ តាក់ស៊ី ទទួលបានការឧបត្ថម្ភពីសប្បុរសជនទាំងក្នុងនិងក្រៅស្រុក និងបានវះកាត់ប្តូរក្រលៀនថ្មីរួចរាល់ហើយនៅឯប្រទេសឥណ្ឌា៕ អត្ថបទ៖ ចាន់រ៉ា