សៅរ៍-អាទិត្យសប្តាហ៍នេះ! សមាគមសិល្បករខ្មែរ បន្តរៀបចំយុទ្ធនាការតន្ត្រីសប្បុរសធម៌នៅ walk street

ថ្ងៃសៅរ៍ទី៤ និងទី ៥ នឹងមានរៀបចំកម្មវិធីតន្ត្រីសប្បុរសធម៌ ដើម្បីរួមគ្នាផ្តល់កម្លាំងចិត្តដល់វីរ:កងទ័ពជួរមុខ បងប្អូនភៀសសឹក និងផ្តល់ភាពសប្បាយរីករាយដល់ភ្ញៀវជាតិ និងអន្តរជាតិនៅផ្លូវថ្មើរជើងចតុមុខ (Walk Street) រាជធានីភ្នំពេញរយ:ពេល ២ថ្ងៃ ទី៤ និងទី៥ ខែតុលា ឆ្នាំ២០២៥ ដែលដឹកនាំដោយសមាគមសិល្បករខ្មែរ។

អ្នកនាង នៅ សូនីតា អនុប្រធានសមាគមសិល្បករខ្មែរបានបញ្ជាក់ឱ្យដឹងថា តន្ត្រីសប្បុរសធម៌នេះ ធ្វើឡើងក្នុងគោលបំណងដើម្បីដឹងគុណ ក៏ដូចជាជួយដល់វីរកងទ័ពកំពុងការពារទឹកដីនៅបន្ទាត់ព្រំដែន ពីការឈ្លានពានរបស់ចោរសៀម និងមួយផ្នែកវិញទៀត ជួយដល់បងប្អូនជនភៀសសឹកទើបមានការរៀបចំប្រគុំតន្ត្រីសប្បុរសធម៌នេះឡើង។

អ្នកនាង នៅ សូនីបាន ឲ្យដឹងទៀតថា “តើចង់ជួបអាយដលរបស់បងប្អូនអត់? តារាល្បីៗច្រើនណាស់ នឹងចូលរួមការប្រគុំតន្ត្រីសប្បុរសធម៌ ដើម្បីជួយជនភៀសសឹក និងកងទ័ពនៅ walk streetចាប់ពីថ្ងៃទី៤ និង៥ ខែតុលាឆ្នាំ២០២៥នេះ”។ សូមជម្រាបថា នេះជាលើកទី២ហើយដែលសមាគមសិល្បករខ្មែរបានរៀបចំកម្មវិធីប្រគុំតន្ត្រីនេះឡើង។

កន្លងមកលោកជំទាវអ្នកឧកញ៉ា ម៉ៅ ចំណាន បានបញ្ជាក់ថាការរៀបចំកម្មវិធីតន្ត្រីសប្បុរសធម៌នេះធ្វើ ឡើងក្នុងគោលបំណងធំៗចំនួន២គឺទី១, ជាការរ៉ៃអង្គាសថវិការជួយទៅដល់វីរកងទ័ពជួរមុខនិងជនភៀសសឹ ក ,ទី២.ចង់បង្ហាញលើកស្ទួយនិងផ្សព្វផ្សាយវិស័យសិល្ប:វប្បធម៌របស់ខ្មែរដល់ភ្ញៀវទេសចរណ៍ជាតិនិងអន្តរជាតិឱ្យបានឃើញបានដឹងផ្ទាល់នៅwa lk streeរាជធានីភ្នំពេញជាការបង្កើនសេដ្ឋកិច្ចមួយផងដែរ៕ ចាន់រ៉ា