សមាគមសិល្បករខ្មែរ និងកញ្ញាឯកចក្រវាឡរួមគ្នាផលិតវីដេអូផ្សព្វផ្សាយទេសចរណ៍កម្ពុជា ចុងឆ្នាំ២០២៥

ជាផ្នែកមួយនៃការចូលរួមផ្សព្វផ្សាយវិស័យទេសចរណ៍នៅកម្ពុជា សមាគមសិល្បករខ្មែរ បញ្ជាក់ថា នាចុងឆ្នាំ២០២៥នេះ សមគមសិល្បករនិងចាប់ដៃសហការគ្នាជាមួយកញ្ញាឯកចក្រវាឡ ដើម្បីរួមចំណែកផ្សព្វផ្សាយវិស័យមួយនេះឱ្យកាន់តែទូលំទូលាយថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមាគមសិល្បករខ្មែរបានឱ្យដឹងថា ផ្តើមការងារដំបូង សមាគមសិល្បករខ្មែរ និងកញ្ញាឯកចក្រវាឡកម្ពុជានឹងរួមគ្នាផលិតវីដេអូផ្សព្វផ្សាយដ៏មានសារ:សំខាន់មួយពាក់ព័ន្ធវិស័យទេសចរណ៍កម្ពុជានៅចុងឆ្នាំ២០២៥នេះ។ ក្រៅពីនោះនៅមានការងារជាច្រើនផ្សេងទៀត ដែលត្រូវធ្វើរួមគ្នាជាបន្តនាពេលខាងមុខ។

ការលើកឡើងនេះ អំឡុងពេលដែលលោកជំទាវអ្នកឧកញ៉ា ម៉ៅ ចំណាន គិតម៉េង ប្រធានសមាគមសិល្បក រខ្មែរកាលពីរសៀលថ្ងៃទី២១ ខែតុលា ឆ្នាំ២០២៥ បានអនុញ្ញាតឱ្យប្រតិភូ និងម្ចាស់មកុដកញ្ញាឯកចក្រវាឡកម្ពុជា (Miss Universe Cambodia) ឆ្នាំ២០២៥ ថៃ នារីសុជាតា ហៅ ហ្វីយ៉ាតា) ចូលជួបសម្តែងការគួរសមនិងពិភាក្សាការងារ។

នៅក្នុងជំនួបនោះ លោក ឈួង យីវឆូយ ប្រធានប្រតិភូ កញ្ញាឯកចក្រវាឡកម្ពុជា ក៏បានជម្រាបជូនពីព័ត៌មាននៃដំណើរការផ្សេងៗនៃកម្មវិធីកញ្ញាឯកចក្រវាឡកម្ពុជា និង គោលបំណងមួយចំនួនដែលថ្នាក់ដឹកនាំ និងម្ចាស់ពានកញ្ញាឯកចក្រវាឡកម្ពុជាមានបំណងចូលរួមចំណែកជួយក្នុងសកម្មភាពនានារបស់សមាគមសិល្បករខ្មែរ។

ជាមួយគ្នានោះ លោកជំទាវអ្នកឧកញ៉ាម៉ៅ ចំណាន គិតម៉េង បានយ៉ាងកក់ក្តៅចំពោះវត្តមានប្រតិភូក្រុមការងារកញ្ញាឯកចក្រវាឡកម្ពុជា និងការលើកឡើងពីគោលបំណងចូលរួមចំណែកនៃការជួយលើកតម្កើងសិល្បៈវប្បធម៌ និងការងារសង្គមជាតិតាមរយៈសកម្មភាពរបស់សមាគមសិល្បករខ្មែរ៕ ចាន់រ៉ា