ព័ត៌មានអន្ដរជាតិ
ពូទីន អះអាងថា រុស្ស៊ីដណ្ដើមកាន់កាប់ដីជិត៥០០០គីឡូម៉ែត្រការ៉េនៅអ៊ុយក្រែនក្នុងឆ្នាំនេះ
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយថា កងកម្លាំងរុស្ស៊ីបានដណ្តើមយកទឹកដីអ៊ុយក្រែនជិត ៥ ០០០គីឡូម៉ែត្រការ៉េក្នុងឆ្នាំ២០២៥។ នេះបើយោងតាមការចុះផ្សាយរបស់ទីភ្នាក់ងារព័ត៍មាន Reuters នាថ្ងៃពុធទី៨ខែតុលា។
ថ្លែងនៅក្នុងកិច្ចប្រជុំជាមួយមេបញ្ជាការយោធាកំពូលក្នុងថ្ងៃខួបគម្រប់៧៣ឆ្នាំរបស់ខ្លួន លោក ពូទីន បានប្រាប់ថា ទាហានអ៊ុយក្រែនកំពុងដកថយ ទោះបីជាមានការតស៊ូកើនឡើង និងការព្យាយាមវាយប្រហារចូលយ៉ាងជ្រៅនៅក្នុងទឹកដីរុស្ស៊ីក៏ដោយ។
បើពិតដូចការលើកឡើងរបស់លោក ពូទីន ការដណ្ដើមទឹកដីបានជិត ៥ ០០០គីឡូម៉ែត្រការ៉េនេះ ស្មើនឹងចំនួនប្រហែល ១% នៃផ្ទៃដីសរុបរបស់អ៊ុយក្រែន ដែលនាំឲ្យទឹកដីសរុបនៅក្រោមការគ្រប់គ្រងរបស់ទីក្រុងមូស្គូមានប្រហែល ២០% នាពេលបច្ចុប្បន្ន។
លោក ពូទីន បានលើកឡើងទៀតថា ការវាយប្រហាររយៈចម្ងាយឆ្ងាយរបស់ទីក្រុងកៀវនៅក្នុងប្រទេសរុស្ស៊ី នឹងមិនផ្លាស់ប្តូរតុល្យភាពទាំងមូលនៃសង្រ្គាមនោះទេ ខណៈសង្គ្រាមបានអូសបន្លាយឈានចូលដល់ឆ្នាំទី៤ហើយក៏ដោយ។
ក្រសួងការពារជាតិរុស្ស៊ី បានអះអាងកាលពីថ្ងៃអង្គារថា កងទ័ពរបស់ខ្លួនបានដណ្តើមភូមិចំនួនពីរបន្ថែមទៀតនៅតាមបណ្តោយខ្សែបន្ទាត់ខាងមុខ ដែលលាតសន្ធឹងប្រហែល ១ ២៥០គីឡូម៉ែត្រ។
យ៉ាងណាក៏ដោយ យោធាអ៊ុយក្រែនបានច្រានចោលការអះអាងរបស់ទីក្រុងមូស្គូ ដោយនិយាយថា ការវាយលុករបស់រុស្ស៊ីបានបរាជ័យក្នុងការសម្រេចបាននូវជោគជ័យធំៗ ឬចាប់យកទីក្រុងសំខាន់ៗណាមួយនៅឆ្នាំនេះ។ កងកម្លាំងអ៊ុយក្រែនរាយការណ៍ពីភាពរីកចម្រើនរបស់កងកម្លាំងរបស់ខ្លួននៅជិតទីក្រុង Dobropillia ក្នុងតំបន់ Donetsk និងទីតាំងមួយចំនួនទៀតដែលដណ្ដើមបានមកវិញនៅតំបន់ Sumy ជាកន្លែងដែលរុស្ស៊ីបានព្យាយាមបង្កើតតំបន់ការពារ។
លោក ពូទីន បានរំលឹកឡើងវិញថា គោលបំណងរបស់រុស្ស៊ីនៅអ៊ុយក្រែន នៅតែមិនផ្លាស់ប្តូរ ពោលគឺដើម្បី«ធ្វើឲ្យអ៊ុយក្រែនក្លាយជាតំបន់គ្មានយោធា និងលុបបំបាត់ឥទ្ធិពលនៃរបបណាស៊ី» ដែលជាគោលដៅដូចគ្នាដែលបានប្រកាសនៅពេលការឈ្លានពានបានចាប់ផ្តើមក្នុងខែកុម្ភៈឆ្នាំ២០២២៕
ដោយ៖ ឈាង
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត