ព័ត៌មានអន្ដរជាតិ
មិនធម្មតា! អាមេរិក បង្កើតឈីប ដាក់ចូលក្រោមស្បែកមនុស្ស ប្រាប់សញ្ញាជំងឺកូវីដ-១៩មុនចេញអាការ និងតម្រង យកវីរុសចេញពីឈាម
ក្រុមអ្នកស្រាវជ្រាវផ្នែកវេជ្ជសាស្ត្រនៅមន្ទីរបញ្ចកោណ បានបង្កើត ឈីបដ៏តូចមួយ ដែលនឹងរកឃើញជំងឺកូវីដ-១៩ នៅពេលដាក់បញ្ចូលទៅក្រោមស្បែកមនុស្សនិង តម្រងមួយដែលអាចយកវីរុសចេញពីឈាមនៅពេលភ្ជាប់ជាមួយ ម៉ាស៊ីនលាងឈាម។
យោងតាមកម្មវិធី “60 Minutes” កាលពីថ្ងៃអាទិត្យបានផ្សាយថា បច្ចេកវិទ្យាបដិវត្តនេះ ត្រូវបានបង្កើតឡើងដោយ ទីភ្នាក់ងារគម្រោងស្រាវជ្រាវជាន់ខ្ពស់ផ្នែកការពារជាតិ ដែលប្រតិបត្តិការក្រោមឆ័ត្រមន្ទីរបញ្ចកោណ។
អង្គភាពកំពូលសម្ងាត់មួយនេះ ត្រូវបានបង្កើតឡើងក្នុងអំឡុងសង្រ្គាមត្រជាក់ ដើម្បីសិក្សាអំពីបច្ចេកវិទ្យាដែលកំពុងរីកចម្រើនសម្រាប់ការប្រើប្រាស់ផ្នែកយោធា។
គ្រូពេទ្យផ្នែកជំងឺឆ្លង លោកវេជ្ជបណ្ឌិត Matt Hepburn បានឲ្យដឹងថា ឈីបដ៏តូចដែលមិនត្រូវបានគេប្រើជាទូទៅនៅខាងក្រៅក្រសួងការពារជាតិ គឺអាចរកឃើញជំងឺកូវីដ-១៩ នៅក្នុងខ្លួនបុគ្គលម្នាក់មុនពេលជំងឺផ្ទុះឡើង។
លោកបានបន្ថែមថា “យើងជំរុញឲ្យសហគមន៍ស្រាវជ្រាវ ស្វែងរកដំណោះស្រាយដែលមើលទៅដូចជារឿងប្រឌិតបែបវិទ្យាសាស្ត្រ”។ លោក Hepburn បានប្រៀបធៀបឈីបនេះ ទៅនឹងការដាស់តឿនឲ្យត្រួតពិនិត្យម៉ាស៊ីនយានយន្តមុនពេលធ្វើដំណើរ។
លោក Hepburn បានប្រាប់អ្នកឆ្លើយឆ្លងព័ត៌មានទូរទស្សន៍ CBS ឈ្មោះ Bill Heitaker ថា “វាជាឧបករណ៍ចាប់សញ្ញាមួយ។ វត្ថុពណ៌បៃតងតូចៗនៅទីនោះ អ្នកដាក់វានៅក្រោមស្បែករបស់អ្នក ហើយអ្វីដែលប្រាប់អ្នកគឺថា មានប្រតិកម្មគីមីកើតឡើងនៅខាងក្នុងខ្លួនហើយសញ្ញានោះមានន័យថា អ្នកនឹងចេញរោគសញ្ញានៅថ្ងៃស្អែក។ អ្នកនឹងទទួលបានព័ត៌មានក្នុងរយៈពេលពី៣ទៅ៥នាទី”។
ឈីបតូចមួយនេះ ត្រូវបានរចនាឡើងដើម្បីធ្វើតេស្តឈាមរបស់អ្នក រកវត្តមានវីរុសកូវីដ-១៩។ នៅពេលរកឃើញមេរោគ បន្ទះឈីបនឹងប្រាប់អ្នកជំងឺឲ្យធ្វើតេស្តឈាមយ៉ាងរហ័សដើម្បីបញ្ជាក់ពីលទ្ធផលវិជ្ជមាន៕
ប្រែសម្រួលដោយ៖ Vann Vann
ប្រភព៖ New York Post
ចុចអាន៖ ទាហានចិនទទួលបន្តោងសម្គាល់ថ្មីបំពាក់បច្ចេកវិទ្យាកំពូលភ្ជាប់ជាមួយបាកូដ និងឈីប
-
សេដ្ឋកិច្ច៦ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ១ សប្តាហ៍ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៦ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ១ សប្តាហ៍ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ១ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)