ព័ត៌មានអន្ដរជាតិ
ខុសពីរាល់ដង! លើកនេះ ត្រាំ គំរាមអ៊ីរ៉ង់ ដោយប្រើពាក្យខ្លាំងៗបំផុត
ភ្លើងសង្គ្រាមនៅមជ្ឈិមបូព៌ា ហាក់មិនងាយរលត់ឡើយព្រោះតែទាំងសហរដ្ឋអាមេរិកនិងអ៊ីរ៉ង់ នៅតែដុតបញ្ឆេះស្ថានការណ៍មិនព្រមចរចាគ្នា ហើយឥឡូវ ប្រមុខសេតវិមាន ដូណាល់ ត្រាំ ទំនងជាក្តៅស្លឹកត្រចៀកខ្លាំងណាស់ ជុំវិញការបើកច្រកសមុទ្រ Hormuz ដោយលោកគំរាមថា អ៊ីរ៉ង់នឹងធ្លាក់ចូលនរក បើមិនព្រមបើកច្រកនេះទេ។
ខុសពីរាល់ដង! លើកនេះប្រធានាធិបតីអាមេរិក ហាក់ដូចជាខឹងសម្បើមណាស់ ដោយលោកបង្ហោះសារលើបណ្តាញសង្គម Truth Social កាលពីថ្ងៃអាទិត្យទី៥ខែមេសាឆ្នាំ២០២៦ថា៖ «ថ្ងៃអង្គារនឹងក្លាយជាថ្ងៃរោងចក្រថាមពលនិងជាថ្ងៃស្ពាន ដែលរួមបញ្ចូលគ្នាតែមួយនៅក្នុងប្រទេសអ៊ីរ៉ង់។ ជារឿងដែលមិនធ្លាប់មានពីមុនមកសោះ!!! បើកច្រកសមុទ្រហ្នឹងភ្លាម បើមិនអ៊ីចឹងទេ ពួកឯងនឹងរស់នៅក្នុងឋាននរកមិនខាន — ចាំតែមើលទៅ!»។
ទោះជាយ៉ាងណាក៏ដោយ ក្នុងកិច្ចសម្ភាសន៍ជាមួយ Fox News, លោក ត្រាំ បានលើកឡើងថា មានឱកាស ដែលភាគីទាំងពីរអាចសម្រេចបានកិច្ចព្រមព្រៀងគ្នានៅថ្ងៃចន្ទ តែបើគ្មានកិច្ចព្រមព្រៀងដើម្បីបញ្ចប់សង្រ្គាមក្នុងពេលឆាប់ៗទេ លោកនឹងពិចារណាលើជម្រើសកម្ទេចអ្វីៗទាំងអស់របស់អ៊ីរ៉ង់តែម្តង។
មុននេះដែរ លោកត្រាំ បានដាក់ការគំរាមជាថ្មីដល់ភាគីអ៊ីរ៉ង់ឲ្យទទួលយកកិច្ចព្រមព្រៀងជាបន្ទាន់ មុនផុតឱសានវាទដែលលោកផ្តល់ជូន១០ថ្ងៃ។
លោកបង្ហោះលើ Truth Social ថា អ៊ីរ៉ង់មានពេលតែ៤៨ម៉ោងទៀតប៉ុណ្ណោះដើម្បីយល់ព្រមលើកិច្ចព្រមព្រៀង ឬក៏ត្រូវបើកច្រក Hormuz។
ក្នុងសំណេរដើម លោក ត្រាំ សរសេរថា៖ «សូមចងចាំថា នៅពេលខ្ញុំផ្តល់អ៊ីរ៉ង់រយៈពេល១០ថ្ងៃដើម្បីយល់ព្រមលើកិច្ចព្រមព្រៀង ឬក៏ត្រូវបើកច្រកហ័រមូស? ពេលវេលាជិតអស់ហើយ នៅសល់តែ៤៨ម៉ោងទៀតទេ មុនអ្វីៗទម្លាក់ពួកគេចុះទៅឋាននរក»។
សូមជម្រាបថា ឱសានវាទ១០ថ្ងៃនោះ នឹងផុតកំណត់នៅថ្ងៃទី៦ខែមេសានេះហើយ ៕
អត្ថបទ៖ សុខ សុវណ្ណ
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
សន្តិសុខសង្គម២១ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ