ព័ត៌មានអន្ដរជាតិ
រដ្ឋប្រជាជនច្រើនបំផុតនៅ ឥណ្ឌា បន្ធូរបន្ថយការបិទខ្ទប់សម្រាប់ទីក្រុងដែលមានករណីឆ្លងកូវីដតិចជាង ៦០០ ករណី
រដ្ឋដែលមានប្រជាជនច្រើនបំផុតនៅឥណ្ឌា Uttar Pradesh កាលពីថ្ងៃអាទិត្យបានប្រកាស បន្ថូរបន្ថយវិធានការបិទខ្ទប់ ពាក់ព័ន្ធនឹងជំងឺកូវីដ ១៩ រួមទាំងអនុញ្ញាតឲ្យហាងនានាបើកដំណើរការផងដែរ ។
ទោះយ៉ាងណាក៏ដោយ មិនមានការបន្ធូរអារម្មណ៍នោះទេ សម្រាប់ទីក្រុង និងស្រុកដែលមានករណីឆ្លងជាង ៦០០ ករណី ខណៈរដ្ឋ Uttar Pradesh យ៉ាងហោចណាស់មានទីក្រុង ឬស្រុកចំនួន ២០ ។
ខណៈពេលដែលហាងនៅខាងក្រៅតំបន់បិទខ្ទប់ ត្រូវបានអនុញ្ញាតឲ្យបើកពីថ្ងៃចន្ទ ដល់ថ្ងៃសុក្រក្នុងមួយសប្តាហ៍ វិធានការបិទខ្ទប់នៅថ្ងៃចុងសប្ដាហ៍ នឹងនៅតែមាននៅទូទាំងរដ្ឋមួយនេះ ។
ទន្ទឹមនោះ នៅក្រោមការរឹតត្បិត ដែលបានបន្ធូរបន្ថយនេះដែរ ការប្រមូលផ្ដុំមនុស្សលើសពី ៥ នាក់នៅកន្លែងសាសនា មិនត្រូវបានអនុញ្ញាតនោះទេ ។
បន្ថែមពីនេះ ភោជនីយដ្ឋាននឹងដំណើរការជាមួយការដឹកជញ្ជូន តាមផ្ទះតែប៉ុណ្ណោះ ។ យោងតាមវិធានការណ៍ថ្មី ដែលបានប្រកាសកាលពីថ្ងៃអាទិត្យ បានឲ្យដឹងថា មានតែតូបអាហារ និងអាហារនៅតាមផ្លូវហាយវេប៉ុណ្ណោះ ដែលនឹងបើកសម្រាប់សេវាកម្មអាហារពេលល្ងាច ។
ស្របពេលជាមួយគ្នានេះ មានតែភ្ញៀវ ២៥ នាក់ប៉ុណ្ណោះ ដែលត្រូវបានអនុញ្ញាត ឲ្យចូលរួមក្នុងពិធីមង្គលការ ខណៈដែលមានមនុស្សច្រើនបំផុត ២០ នាក់សម្រាប់ពិធីដង្ហែសព ។
ចំណែក សាលារៀន មហាវិទ្យាល័យ និងស្ថាប័នអប់រំផ្សេងទៀត នឹងនៅតែបិទទ្វារ ខណៈផ្សារទំនើប សាលរោងកុន កន្លែងកាយសម្ព័ន្ធ និងអាងហែលទឹក ក៏បន្តបិទដូចគ្នា ។
គួរបញ្ជាក់ថា រដ្ឋដែលចំនួនប្រជាជនជិត ២៤០ លាននាក់ Uttar Pradesh បានរាយការណ៍ថាមានករណីឆ្លងថ្មី នៃជំងឺកូវីដ ១៩ ចំនួន ១,៩០៨ ករណី អ្នកស្លាប់ ១៤០ នាក់ និងមានអ្នកជាសះស្បើយ ៦,៧១៣ នាក់ក្នុងរយៈពេល ២៤ ម៉ោងចុងក្រោយ ខណៈបច្ចុប្បន្ននេះមានអ្នកកំពុងសម្រាកព្យាបាលចំនួន ៤១,២១៤ ករណី ៕
ប្រែសម្រួលដោយ ៖ ជីវ័ន្ត
ប្រភព ៖ XINHUA
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១០ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានអន្ដរជាតិ៦ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ