Connect with us

ព័ត៌មានអន្ដរជាតិ

សង្គ្រាមអាចផ្ទុះឡើង! ចិន និងឥណ្ឌា កំពុងបង្កើនសកម្មភាពកងទ័ព នៅព្រំដែនជម្លោះ

បានផុស

នៅ

ប្រទេសចិននិងឥណ្ឌា កំពុងបង្កើនកម្លាំងយោធារបស់ខ្លួននៅតាមបណ្តោយព្រំដែនដែលមានជម្លោះ ក្នុងតំបន់ហិមាល័យ ស្របពេលមានការភ័យខ្លាចកាន់តែខ្លាំងថា សង្គ្រាមរវាងមហាអំណាចអាស៊ីទាំងពីរនេះ នឹងផ្ទុះឡើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
China

កាលពីខែមិថុនាឆ្នាំមុន មានការផ្ទុះឡើងនូវការប្រយុទ្ធគ្នាដ៏សាហាវជាលើកដំបូង រវាងភាគីទាំងពីរចាប់តាំងពីឆ្នាំ១៩៧៥មក នៅជ្រលងភ្នំ Galwan។ ទាហានទាំងសងខាងបានប្រឈមមុខដាក់គ្នាដោយអាវុធ រួមទាំងព្រនង់និងដំបងផងដែរ ដែលនាំទៅដល់ការស្លាប់ទាហានឥណ្ឌាយ៉ាងតិច២០នាក់ និងចិន៤នាក់។

ជម្លោះនោះបានកើតឡើងនៅលើខ្សែបន្ទាត់ព្រំដែនមានជម្លោះប្រវែង ៣,៤៤០ គីឡូម៉ែត្រ ដែលត្រូវបានគេស្គាល់ថា ជាខ្សែបន្ទាត់ត្រួតពិនិត្យជាក់ស្តែង (LAC)។

China

ភាពតានតឹងបានបន្តកើនឡើងរវាងប្រទេសជិតខាងមានអាវុធនុយក្លេអ៊ែរទាំង២ ដោយរូបថតផ្កាយរណបបង្ហាញពីភាគីទាំងខាងសង បង្កើនសមត្ថភាពយោធារបស់ពួកគេយ៉ាងឆាប់រហ័ស។

ទីក្រុងញូវដែលី បានបង្កើនវត្តមានយោធារបស់ខ្លួននៅក្នុងតំបន់នោះ ដោយការដាក់ពង្រាយកងទ័ពចំនួន៦០,០០០នាក់ និងអាវុធទំនើបៗ រួមមានទាំងមីស៊ីលបាញ់ពីដីទៅអាកាស និងយន្ដហោះចម្បាំង Rafale ចំនួន២៤គ្រឿងផងដែរ។

china

ឥណ្ឌាក៏បានបន្ថែមកងទ័ពចំនួន១០,០០០នាក់ផងដែរ ទៅក្នុងអង្គភាពប្រយុទ្ធរបស់ខ្លួន ដែលត្រូវបានបណ្តុះបណ្តាលជាពិសេសសម្រាប់ការប្រយុទ្ធជាមួយចិននិងប៉ាគីស្ថាន។

ចំណែកឯទីក្រុងប៉េកាំងវិញ នៅតែបន្តធ្វើសមយុទ្ធបាញ់គ្រាប់ពិត ដោយប្រើប្រាស់កាំភ្លើងត្បាល់ នៅក្នុងដំណើរការមួយដែលផ្ទុយពីកិច្ចព្រមព្រៀងមិនឲ្យប្រើប្រាស់អាវុធនៅក្បែរព្រំដែនឆ្នាំ១៩៩៦។

China-India border dispute: PLA flexes military muscle with live-fire drill  in Tibet | South China Morning Post

ក្រុមអ្នកវិភាគសន្តិសុខ មានការព្រួយបារម្ភកាន់តែខ្លាំងឡើងពីសកម្មភាពដ៏ខ្លាំងក្លារបស់ចិននៅក្នុងតំបន់ និងការឆ្លើយតបរបស់ឥណ្ឌា។

លោក Pravin Sawhney និពន្ធនាយកនៃទស្សនាវដ្តីសន្តិសុខជាតិ Force បានប្រាប់កាសែត Daily Telegraph ថា “ការគំរាមកំហែងរបស់ចិនកំពុងកើនឡើងយ៉ាងខ្លាំង ដោយសារតែសមត្ថភាព ដែលកងទ័ពរំដោះប្រជាជនចិន (PLA) កំពុងធ្វើ។ ឥឡូវនេះ មិនមានសង្គ្រាមទេ ប៉ុន្តែនៅពេលអ្នកបង្កើនការគំរាមកំហែង សង្គ្រាមគឺមិនអាចចៀសរួចឡើយ”។

China

ប្រទេសចិននៅតែបន្តការប្រមូលផ្តុំកងទ័ពទ្រង់ទ្រាយធំនៅតំបន់វាលទំនាប Depsang និងតំបន់ Hot Springs តាមបណ្តោយព្រំដែន។

ស្របពេលជាមួយគ្នានោះ នាយឧត្តមសេនីយ៍ M M Navarane ប្រធានកងទ័ពឥណ្ឌាបាននិយាយថា មិនអាចមានការថមថយភាពតានតឹងទេ រហូតដល់ចិនដកកងទ័ពរបស់ខ្លួនចេញ៕

ប្រែសម្រួល៖ Vann Vann

ប្រភព៖ Express

ចុចអាន៖ ក្រោយទទួលស្គាល់មានទាហាន៤នាក់ស្លាប់ ពេលនេះចិន បញ្ចេញវីដេអូប្រយុទ្ធជាមួយឥណ្ឌា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ២៦ នាទី មុន

ឈុតផឹកតែពីចានទម្រពែងរបស់តួ Gangubai បង្ហាញពីវប្បធម៌ដ៏ជូរចត់មួយរបស់ឥណ្ឌា

ព័ត៌មានជាតិ២ ម៉ោង មុន

ឧ​ត្ត​ម​សេនីយ៍ រ័ត្ន ស្រ៊ាង ដាក់​បញ្ជា​ឲ្យ​នាយទាហាន​ក្រោម​ឳ​វាទ ខិតខំ​ការពារ​សន្តិសុខ សុវត្ថិភាព និង​រក្សា​សណ្តាប់ធ្នាប់ ក្នុងអំឡុង​ឃោសនា​នេះ

ព័ត៌មានជាតិ២ ម៉ោង មុន

មន្ទីរ​សាធារណការ រាជធានី​ភ្នំពេញ ជួសជុល​ផ្លូវ​ ជង្ហុក​សំបុកមាន់ នៅ​មហាវិថី​កម្ពុជា​ក្រោម ដើម្បី​សម្រួល​ចរាចរណ៍​ជូន​ប្រជាពលរដ្ឋ​

ព័ត៌មានជាតិ២ ម៉ោង មុន

សន្សំថវិកា និងប្រយុទ្ធប្រឆាំង ការប្រែប្រួលអាកាសធាតុ ដោយការចូលរួមប្រើប្រាស់ថាមពលប្រកបដោយទំនួលខុសត្រូវ តាមរយៈយុទ្ធនាការ ខ្ញុំសន្សំ ឬ iSave

ព័ត៌មានជាតិ៣ ម៉ោង មុន

កូរ៉េជួយ​បណ្តុះបណ្តាល​សមត្ថភាព​ធនធានមនុស្ស​លើវិស័យការទូត

Sokha Hotels

ព័ត៌មានពេញនិយម