ដំណឹងល្អ! អាមេរិក អនុញ្ញាតឲ្យប្រើថ្នាំរលាកសន្លាក់រ៉ាំរ៉ៃ Actemra ព្យាបាលអ្នកជំងឺកូវីដនៅមន្ទីរពេទ្យ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ដំណឹងល្អ! អាមេរិក អនុញ្ញាតឲ្យប្រើថ្នាំរលាកសន្លាក់រ៉ាំរ៉ៃ Actemra ព្យាបាលអ្នកជំងឺកូវីដនៅមន្ទីរពេទ្យ

បានផុស

នៅ

រដ្ឋបាលចំណីអាហារ និងឪសថអាមេរិក (FDA) បានផ្តល់ការអនុញ្ញាតឲ្យប្រើថ្នាំប្រឆាំងនឹងជំងឺរលាកសន្លាក់រ៉ាំរ៉ៃ Actemra សម្រាប់ប្រើប្រាស់ជាបន្ទាន់ ដើម្បីព្យាបាលអ្នកជំងឺកូវីដដែលកំពុងសម្រាកនៅមន្ទីរពេទ្យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

FDA អាមេរិកបានប្រកាសកាលពីថ្ងៃសុក្រថា ថ្នាំដែលត្រូវបានគេស្គាល់ថា Tocilizumab អាចត្រូវបានផ្តល់ឲ្យអ្នកជំងឺកំពុងសម្រាកព្យាបាលនៅមន្ទីរពេទ្យ ដែលកំពុងរលាកក្រពេញស្តេរ៉ូអ៊ីត ហើយត្រូវការអុកស៊ីសែន ម៉ាស៊ីនជំនួយខ្យល់ដកដង្ហើម ឬម៉ាស៊ីនជំនួយចលនាបេះដូង និងសួត ECMO ។

FDA បាននិយាយថា លទ្ធផលពីការសាកល្បងព្យាបាលចំនួន ៤ បានបង្ហាញថា ថ្នាំ Actemra អាចបន្ថយហានិភ័យនៃការស្លាប់ និងកាត់បន្ថយរយៈពេលនៃការសម្រាកព្យាបាលនៅមន្ទីរពេទ្យ បើប្រៀបធៀបនឹងករណីដែលមិនបានប្រើថ្នាំនេះ សម្រាប់ការព្យាបាល ។

គួរបញ្ជាក់ថា ថ្នាំ Actemra ត្រូវបានបង្កើតឡើងនៅប្រទេសជប៉ុន ដោយក្រុមសាស្រ្តាចារ្យសាកលវិទ្យាល័យ Kishimoto Tadamitsu និងក្រុមហ៊ុនឱសថ Chugai ។

វាគឺជាថ្នាំព្យាបាលជំងឺរលាកសន្លាក់រ៉ាំរ៉ៃ ដែលត្រូវបានបង្កើតឡើង ដើម្បីលុបបំបាត់ការរលាកដែលបណ្តាលមកពី ការឆ្លើយតបនៃប្រព័ន្ធភាពស៊ាំហួសប្រមាណ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services