ព័ត៌មានអន្ដរជាតិ

វៀតណាមរកឃើញវិធីកាត់បន្ថយដំណើរការសំយោគថ្នាំកម្ចាត់កូវីដ

បានផុស

៣ years មុន

នៅ

ថ្ងៃអង្គារ ២៩ មិថុនា ២០២១

ដោយ

បណ្ឌិតសភាវិទ្យាសាស្ត្រ និងបច្ចេកវិទ្យាវៀតណាម (VAST) បានរកឃើញវិធីសាស្ត្រដើម្បីកាត់បន្ថយដំណើរការសំយោគរបស់ឱសថប្រឆាំងជំងឺកូវីដ-១៩ដែលនឹងជួយកាត់បន្ថយដល់ការចំណាយ។

វិទ្យាស្ថានគីមីវិទ្យាស្ថិតក្រោមអភិបាលកិច្ចរបស់ VAST ថ្មីៗនេះបានប្រកាសថា វិធីសាស្ត្រនោះនឹងជួយកាត់បន្ថយដំណើរការសំយោគរបស់ Favipiravil ដែលជាថ្នាំប្រឆាំងកូវីដពីប្រតិកម្មកម្រិតប្រាំពីរ-ប្រាំបីមកនៅសល់ត្រឹមតែ៣ប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រាវជ្រាវឲ្យដឹងថា វាមានន័យថា តម្លៃផលិតនឹងកាន់តែថោក ហើយវាកាន់តែសមស្របសម្រាប់សមត្ថភាពផលិតរបស់វៀតណាម។

យន្តការរបស់ថ្នាំ Favipiravil ស្រដៀងទៅនឹងថ្នាំប្រឆាំងកូវីដ Remdesivir ដែរ។ ថ្នាំ Remdesivir ត្រូវបានប្រើដើម្បីប្រឆាំងវីរុសកូរ៉ូណានៅក្នុងបណ្តាប្រទេសជាក់លាក់មួយចំនួនដូចជា ចិន ជប៉ុន និងរុស្ស៊ី។ ថ្នាំនេះក៏ត្រូវបានអនុញ្ញាតឲ្យប្រើក្នុងការព្យាបាលជំងឺកូវីដនៅជប៉ុន ឥណ្ឌា និងរុស្ស៊ី ស្ថិតក្រោមបទបញ្ញត្តិបន្ទាន់។ ឥឡូវនេះ វាក៏ស្ថិតក្នុងដំណាក់កាលទី៣នៃការសាកល្បងលើមនុស្សសម្រាប់ការព្យាបាលជំងឺកូវីដ-១៩នៅក្នុងប្រទេសជាក់លាក់មួយចំនួនទៀត។

អ្នកស្រាវជ្រាវនិយាយថា ការស្រាវជ្រាវដើម្បីកាត់បន្ថយដំណើរការសំយោគបានចាប់ផ្តើមកាលពីខែសីហា ឆ្នាំមុនដើម្បីដាក់កម្រិតចំពោះការពឹងផ្អែករបស់វៀតណាមលើការនាំចូលថ្នាំពីក្រៅប្រទេស។

លោក Nguyen Van Tuyen ប្រធានបណ្ឌិតសភាវិទ្យាសាស្ត្រ និងបច្ចេកវិទ្យាវៀតណាមបានឲ្យដឹងថា ៖«ក្រុមការងារនឹងបន្តធ្វើឲ្យប្រសើរឡើង និងធ្វើឲ្យដំណើរការសំយោគកាន់តែមានស្ថេរភាព ខណៈកំពុងបង្កើន។ យើងសង្ឃឹមទទួលបានប៉ាតង់»។

ប្រទេសវៀតណាមបានប្រឈមនឹងរលកកូវីដ-១៩លើកទី៤កាលពីថ្ងៃទី២៧ ខែមេសា និងចាប់តាំងពីពេលនោះមក ករណីឆ្លង១២៧៨៨នាក់ត្រូវបានរកឃើញនៅក្នុងខេត្ត និងទីក្រុង៤៨ទូទាំងប្រទេស។

ខេត្ត Bac Giang នៅតែឈានមុខគេពីចំនួនឆ្លងដែលរហូតដល់ពេលនេះមាន៥៦៦៧នាក់ និងបន្ទាប់មកទីក្រុងហូជីមិញមាន៣៤៩៤នាក់៕

ប្រែសម្រួល៖ វីរបុត្រ
ប្រភព៖ vnexpress

Related Topics:ប្រទេសវៀតណាម