ព័ត៌មានអន្ដរជាតិ

លោក បៃដិន បញ្ជាក់ថា ហានិភ័យវីរុស Delta គឺអ្នកមិនទាន់ចាក់វ៉ាក់សាំង

បានផុស

៥ years មុន

នៅ

ថ្ងៃពុធ ៧ កក្កដា ២០២១

ដោយ

កាលពីថ្ងៃអង្គារ៍ លោកប្រធានាធិបតីសហរដ្ឋអាមេរិក ចូ បៃដិន បានជំរុញពលរដ្ឋអាមេរិកដែលមិនទាន់ចាក់វ៉ាក់សាំងបង្ការកូវីដ-១៩ប្រញាប់ទៅចាក់ដើម្បីការពារខ្លួនពីការឆ្លង ជាពិសេសវីរុសបំប្លែងខ្លួន Delta ដែលឆ្លងអាក្រក់ខ្លាំង។

លោក បៃដិន ប្រាប់អ្នកសារព័ត៌មានថា សហរដ្ឋអាមេរិកនឹងឈានដល់ការចាក់វ៉ាក់សាំងពេញលេញដល់ពលរដ្ឋ១៦០លាននាក់នៅបំណាច់សប្តាហ៍នេះ ប៉ុន្តែលោកបានព្រមានពីការឆ្លងរាលដាលវីរុសបំប្លែងខ្លួន Delta ចំពោះអ្នកដែលមិនទាន់ចាក់វ៉ាក់សាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានាធិបតីមានប្រសាសន៍ថា ៖«ពលរដ្ឋអាមេរិករាប់លាននាក់នៅមិនទាន់ចាក់វ៉ាក់សាំងការពារខ្លួនឡើយ។ កត្តានេះហើយដែលសហគមន៍របស់ពួកគេនៅតែមានហានិភ័យ មិត្តភក្តិរបស់ពួកគេមានហានិភ័យ មនុស្សដែលពួកគេមើលថែមានហានិភ័យ។ រឿងនេះនៅតែជាកង្វល់ធំដោយសារវីរុស Delta»។

លោក បៃដិន បានលើកឡើងថា វីរុសនេះបានឆ្លងពាក់កណ្តាលនៃអ្នកឆ្លងកូវីដ-១៩ទាំងអស់នៅអាមេរិក។

មន្ត្រីសុខាភិបាលឲ្យដឹងថា វីរុស Delta ដែលវាយប្រហារខ្លាំងតាមបណ្តាប្រទេសជាច្រើនក្នុងពិភពលោកឆ្លងលឿន និងស្រួលជាងវីរុសផ្សេងៗ ហើយប្រហែលជាធ្វើឲ្យអ្នកឆ្លងធ្លាក់ខ្លួនឈឺធ្ងន់ធ្ងរថែមទៀត ជាពិសេសក្នុងចំណោមមនុស្សវ័យក្មេង។ ឥឡូវនេះសហរដ្ឋអាមេរិករកឃើញវីរុសនេះគ្រប់រដ្ឋទាំងអស់។

លោក ចូ បៃដិន បានកត់សំគាល់ថា ការសិក្សាបានបង្ហាញថា ចាប់តាំងពីដើមខែឧសភាមករាល់អ្នកឆ្លងកូវីដ-១៩ដែលចូលព្យាបាលនៅមន្ទីរពេទ្យ ឬក៏ស្លាប់នៅសហរដ្ឋអាមេរិកគឺក្នុងចំណោមអ្នកដែលមិនទាន់ចាក់វ៉ាក់សាំង។

លោកមានប្រសាសន៍ថា ៖«សូមទៅចាក់វ៉ាក់សាំងឥឡូវនេះ។ វាដំណើរការ វាឥតគិតថ្លៃ។ វាមិនងាយស្រួលទេ ហើយក៏វាមិនមានអ្វីដែលសំខាន់ជាងនេះដែរ»។

លោក បៃដិន បន្តថា រដ្ឋបាលរបស់លោកនឹងបូជាពេលវេលាដែលមានក្នុងរដូវក្តៅដោយផ្តោតទៅលើការចាក់វ៉ាក់សាំងដល់ប្រជាជន។ រាប់ទាំងដើរចាក់ដល់តាមផ្ទះតែម្តងដើម្បីជួយឲ្យកាន់តែច្រើនដល់អ្នកដែលមិនទាន់ចាក់៕

ប្រែសម្រួល៖ វីរបុត្រ
ប្រភព៖ Reuters

Related Topics:សហរដ្ឋអាមេរិក កូវីដ-១៩ ព័ត៌មានខ្លីៗ

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា