ព័ត៌មានអន្ដរជាតិ

ស្រឡះធេងរូប១០សន្លឹកបង្ហាញក្រុងហូជីមិញថ្ងៃទី១បំរាមបិទខ្ទប់

បានផុស

៣ years មុន

នៅ

ថ្ងៃសៅរ៍ ១០ កក្កដា ២០២១

ដោយ

ទីក្រុងហូជីមិញ ប្រទេសវៀតណាមត្រូវបានដាក់បំរាមរយៈពេល១៥ថ្ងៃពោលគឺចាប់ពីព្រឹកថ្ងៃសុក្រ ទី៩ ខែកក្កដា ដើម្បីទប់ស្កាត់ការរីករាលដាលឆ្លងកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីបំរាមត្រូវបានដាក់ភ្លាម ទិដ្ឋភាពនៅក្នុងទីក្រុងបង្ហាញឲ្យពីស្ថានភាពស្រឡះធេង ស្ងប់ស្ងាត់ និងគ្មានចរាចរណ៍ឡើយ។ ភាគច្រើនបំផុតហាង និងកន្លែងលក់អាហារ ឬទំនិញនានាត្រូវបានបិទ។ មានតែបុគ្គលិកសេវាកម្មសាធារណៈជាក់លាក់ប៉ុណ្ណោះដែលត្រូវបានអនុញ្ញាត។

ទីក្រុងធំបំផុតរបស់វៀតណាមដែលមានប្រជាជន១៣លាននាក់ ប្រជាជនតម្រូវឲ្យស្ថិតនៅផ្ទះ និងអនុញ្ញាតឲ្យចេញក្រៅក្នុងលក្ខខណ្ឌចាំបាច់ដូចជាទិញស្បៀងអាហារ ឬឱសថប៉ុណ្ណោះ។ ជាមួយនេះ រោងចក្រ និងអាជីវកម្មខ្លះត្រូវបានអនុញ្ញាតដំណើរការតាមការចាំបាច់។

សម្រាប់ការដាក់បំរាមបិទទីក្រុងនេះ អាជ្ញាធរបានត្រៀមស្បៀងអាហារចំនួន ១២០ ០០០តោន និងមានសមត្ថភាពព្យបាលអ្នកជំងឺកូវីដ-១៩ដល់ទៅ២០ ០០០នាក់ក្នុងពេលតែមួយ។ ទោះជាយ៉ាងណា នៅពេលសេចក្តីប្រកាសត្រូវបានធ្វើឡើង ប្រជាជនក្នុងក្រុងក៏បានជ្រួលជ្រើមដែរដោយព្យាយាមទិញស្បៀងអាហារទុកដែរ។

ទីក្រុងហូជីមិញបានក្លាយជាតំបន់ឆ្លងកូវីដ-១៩អាក្រក់ជាងគេបំផុតនៅក្នុងប្រទេសវៀតណាម។ គិតត្រឹមព្រឹកថ្ងៃសុក្រម្សិលមិញ ហូជីមិញមានករណីឆ្លងជាង៩៤០០នាក់ ហើយអាជ្ញាធរបានព្រមានពីករណីឆ្លងនឹងកើនឡើងខ្ពស់ក្នុងប៉ុន្មានថ្ងៃខាងមុខ៕