ព័ត៌មានអន្ដរជាតិ
ថៃពិចារណាដាក់កម្រិតនាំចេញវ៉ាក់សាំង AstraZeneca
ប្រទេសថៃកំពុងពិចារណាដាក់កម្រិតលើនាំចេញវ៉ាក់សាំងបង្ការកូវីដ-១៩ AstraZeneca ដែលផលិតក្នុងស្រុកដើម្បីប្រយុទ្ធប្រឆាំងនឹងវិបត្តិក្នុងប្រទេសខ្លួន។ នេះជាការឲ្យដឹងពីមន្ត្រីម្នាក់នៅថ្ងៃពុធ ទី១៤ ខែកក្កដា។ ការសម្រេចចិត្តនេះនឹងធ្វើឲ្យប៉ះពាល់ដល់ប្រទេសជិតខាងខ្លះដែលកំពុងត្រូវការវ៉ាក់សាំង។
ការប៉ុនប៉ងដើម្បីគ្រប់គ្រងលើការនាំចេញអាចធ្វើឲ្យយឹតដល់ប្រទេសម៉ាឡេស៊ី វៀតណាម និងឥណ្ឌូណេស៊ី ដែលបានកំពុងប្រយុទ្ធនឹងរលកឆ្លងដ៏អាក្រក់ និងធ្វើឲ្យរាំងស្ទះក្នុងការផ្គត់ផ្គង់ដូចទៅនឹងប្រទេសឥណ្ឌាដែលបានដាក់កម្រិតលើនាំចេញដែរ។
ចំណាត់ការរបស់ថៃក៏ជាសញ្ញាថយក្រោយថ្មីនៃវ៉ាក់សាំង AstraZeneca ដែលធ្លាប់ត្រូវបានពន្យាពេលក្នុងការផលិត និងចែកចាយនៅក្នុងតំបន់ ហើយសង្ឃឹមថា នឹងវិលត្រឡប់មកវិញចាប់ពីខែនេះទៅ ហើយសង្ឃឹមផ្គត់ផ្គង់ឲ្យពេញតាមតម្រូវការដែលខ្លួនបានប្តេជ្ញានៅក្នុងតំបន់។
លោក Nakorn Premsri សមាជិកសំខាន់ម្នាក់នៅគណៈកម្មាធិការវ៉ាក់សាំងជាតិបានប្រាប់អ្នកកាសែតនៅពេលសួរពីផែនការដាក់កូតាលើការនាំវ៉ាក់សាំងចេះថា គណៈកម្មាធិការបានយល់ព្រមជាគោលការណ៍លើសេចក្តីព្រាងបទបញ្ជា។
«ឥឡូវនេះ បទបញ្ជាមិនទាន់ចេញនៅឡើយទេ» លោក Nakorn បានបញ្ជាក់ និងបន្ថែមថា ទីភ្នាក់ងារជាច្រើននឹងត្រូវការពិនិត្យមើលឲ្យបានច្បាស់លាស់ និងពិចារណាពីផលប៉ះពាល់។
ក្រុមហ៊ុនវ៉ាក់សាំង AstraZeneca ផលិតនៅប្រទេសថៃបាននិយាយកាលពីចុងខែមិថុនាថា ដៃគូរបស់ខ្លួន Siam Bioscience ដែលជារបស់ស្តេចថៃនឹងផលិតឲ្យបាន១៨០លានដូសនៅឆ្នាំនេះ។ ក្នុងនោះជាងមួយភាគបីសម្រាប់ប្រើប្រាស់នៅប្រទេសថៃ និងពីរភាគបីសម្រាប់ប្រទេសផ្សេងនៅអាស៊ាន៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ