ព័ត៌មានអន្ដរជាតិ
អំពើពុករលួយ ធ្វើឱ្យប្រធានសមាគមបាល់ទាត់ថ្នាក់ជាតិរបស់ប្រទេសចិន ត្រូវជាប់ពន្ធនាគារអស់មួយជីវិត
អតីតប្រធានសមាគមបាល់ទាត់ថ្នាក់ជាតិរបស់ប្រទេសចិនត្រូវបានកាត់ទោសឱ្យជាប់ពន្ធនាគារអស់មួយជីវិតដោយតុលាការនៅខេត្តហ៊ូប៉ីភាគកណ្តាលរបស់ប្រទេសចិន នៅក្នុងយុទ្ធនាការបង្រ្កាបលើលីគបាល់ទាត់អាជីពដែលញាំញីដោយអំពើពុករលួយ។
យោងតាមប្រព័ន្ធផ្សព្វផ្សាយរដ្ឋបានឱ្យដឹងថា អតីតប្រធានកីឡាបាល់ទាត់ លោក Chen Xuyuan ត្រូវបានកាត់ទោសជាប់ពន្ធនាគារកាលពីថ្ងៃអង្គារ រួមជាមួយនឹងនាយកប្រតិបត្តិកីឡាជាន់ខ្ពស់ជាច្រើនរូប បន្ទាប់ពីការស៊ើបអង្កេតអស់រយៈពេលជាច្រើនខែ។
ទោះបីជាមានទស្សនៈវិស័យរបស់មេដឹកនាំចិន Xi Jinping ក្នុងការប្រែក្លាយប្រទេសទៅជាមហាអំណាចបាល់ទាត់ក៏ដោយ ក៏គេមើលឃើញថា ការអភិវឌ្ឍន៍បាល់ទាត់អាជីពកម្រិតខ្ពស់របស់ខ្លួនត្រូវបានជាប់គាំងដោយសារការសម្រេចចិត្តផ្នែកហិរញ្ញវត្ថុមិនល្អ និងអំពើពុករលួយចាក់ឫសយ៉ាងជ្រៅ។
ប្រភពបានឱ្យដឹងថា លោក Chen ស្ថិតក្នុងចំណោមមន្ត្រីបាល់ទាត់ជាច្រើនរូបដែលត្រូវបានជាប់ឃុំដោយការស៊ើបអង្កេតប្រឆាំងអំពើពុករលួយដែលកំពុងបន្ត ហើយក្នុងនោះមន្ត្រីស៊ើបអង្កេតក៏បានកំណត់គោលដៅលើអតីតអនុប្រធានសមាគមលោក Yu Hongchen អតីតគ្រូបង្វឹកក្រុមជម្រើសជាតិលោក Li Tie និងអ្នកផ្សេងទៀតជាច្រើន។លើសពីនេះ សម្រាប់លោក Chen ក៏ត្រូវបានរឹបអូសទ្រព្យសម្បត្តិ និងដកហូតសិទ្ធិនយោបាយរបស់គាត់អស់មួយជីវិតផងដែរ ។
ប្រព័ន្ធផ្សព្វផ្សាយរដ្ឋបានរាយការណ៍ថា នៅក្នុងការកាត់ទោស Chen តុលាការប្រជាជនកម្រិតមធ្យមនៅទីក្រុង Huangshi បាននិយាយថា ចុងចោទបានប្រើតួនាទីរបស់គាត់ដើម្បីជួយដល់ក្រុមហ៊ុន និងបុគ្គលដែលគាត់បានធ្វើការជាមួយនឹងថ្នូរទឹកប្រាក់យ៉ាងច្រើន ។
របាយការណ៍បានបង្ហាញថា លោក Chen បានទទួលសំណូកពីចន្លោះ ១០ ទៅ ១១លានដុល្លារ រហូតដល់ ២១៧លើក គិតតាំងពីឆ្នាំ ២០១០ រហូតដល់ឆ្នាំ ២០២៣ ដែលចំនួនទឹកប្រាក់សរុបបានមកពីអំពើពុករលួយនេះ តុលាការបាននិយាយថា “ជាចំនួយលុយច្រើនហួសប្រមាណ” ។ ជាមួយគ្នានេះ តុលាការបាននិយាយថា “ទង្វើរបស់ Chen បានធ្វើឱ្យខូចខាតយ៉ាងធ្ងន់ធ្ងរដល់សណ្តាប់ធ្នាប់ និងយុត្តិធម៌នៅក្នុងវិស័យកីឡាបាល់ទាត់ និងបរិស្ថានវិទ្យានៃឧស្សាហកម្ម ដែលបណ្តាលឱ្យខូចខាតយ៉ាងធ្ងន់ធ្ងរដល់អាជីវកម្មបាល់ទាត់ជាតិ”។
សូមជម្រាបផងដែរថា ប្រទេសចិនគឺជាមហាអំណាចកីឡាដ៏អស្ចារ្យមួយរបស់ពិភពលោក ដោយអត្តពលិករបស់ខ្លួនតែងតែគ្របដណ្តប់លើព្រឹត្តិការណ៍សំខាន់ៗដូចជាអូឡាំពិក និងកីឡាអូឡាំពិករដូវរងា។ ប៉ុន្តែវាជាប្រវត្តិសាស្ត្រមិនសូវទទួលបានជោគជ័យជាមួយនឹងកីឡាបាល់ទាត់ឡើយ ៕
ប្រែសម្រួលដោយ÷ ប៉ោ កុសល
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ