ធ្ងន់ទៅៗ វៀតណាម ប្រកាសយប់មិញ រកឃើញអ្នកឆ្លងកូវីដបំបែកកំណត់ត្រាថ្មី ជាង ៣ពាន់ករណីទៀត

ក្រសួងសុខាភិបាលវៀតណាម បានបញ្ជាក់ពីការឆ្លងកូវីដថ្មីចំនួន ១,៨៨៩ ករណីទៀត នៅ២៦ទីតាំងកាលពីយប់ថ្ងៃព្រហស្បតិ៍ ដោយនាំឲ្យចំនួនសរុបប្រចាំថ្ងៃ ឡើងដល់កម្រិតបំបែកកំណត់ត្រាថ្មី ៣,៣៧៩ ករណី។

ករណីចំនួន ១,៣៩៩ ត្រូវបានរកឃើញនៅក្នុងទីក្រុង ហូជីមិញ ខណៈ Binh Duong មាន១២២ករណី, Dong Thap ៦៣ករណី, Dong Nai ៦០ករណី, Long An ៤១ករណី, Da Nang ៣៣ករណី, Ben Tre និង Phu Yen ៣០ករណីដូចគ្នា, Vinh Long និង Binh Thuan ១៧ករណីដូចគ្នា, Binh Phuoc ១៣ករណី, Hung Yen ១២ករណី, Can Tho ១១ករណី, Ninh Thuan ១០ករណី, ហាណូយ ៧ករណី, Soc Trang, Quang Ngai និង Khanh Hoa ៤ករណីដូចគ្នា, Bac Ninh និង Tra Vinh ៣ករណីដូចគ្នា, និង Binh Dinh, Ca Mau, Vinh Phuc, Lam Dong, Dak Lak និង Bac Giang ១ករណីដូចៗគ្នា។

ចាប់តាំងពីរលកថ្មីបានចាប់ផ្តើមនៅថ្ងៃទី ២៧ ខែមេសាមក ប្រទេសវៀតណាម បានកត់ត្រាការឆ្លងក្នុងសហគមន៍ចំនួន ៣៧,២៣៧ ករណីនៅក្នុង ៥៨ខេត្តក្រុង។

បច្ចុប្បន្ន ទីក្រុងហូជីមិញ មានករណីឆ្លងខ្ពស់ជាងគេគឺ ២១,៤៩៣ករណី៕

ប្រែសម្រួល៖ Vann Vann

ប្រភព៖ VN Express

ចុចអាន៖ ធ្ងន់ធ្ងរបំផុត! វៀតណាម រកឃើញអ្នកឆ្លងកូវីដ ក្នុងកម្រិតបំបែកកំណត់ត្រាថ្មី