Connect with us

ព័ត៌មានអន្ដរជាតិ

ធ្ងន់ធ្ងរបំផុត! វៀតណាម រកឃើញអ្នកឆ្លងកូវីដ ក្នុងកម្រិតបំបែកកំណត់ត្រាថ្មី

បានផុស

នៅ

ក្រសួងសុខាភិបាលវៀតណាម បានបញ្ជាក់ពីការឆ្លងកូវីដថ្មីចំនួន ៨២៣ ករណីទៀត កាលពីយប់ថ្ងៃអង្គារ ដោយនាំឲ្យចំនួនសរុបប្រចាំថ្ងៃ ឡើងដល់កម្រិតខ្ពស់បំផុតមិនធ្លាប់មាន ២,៩២៤ករណី។

ក្នុងចំណោមករណីសរុបប្រចាំថ្ងៃ ទីក្រុងហូជីមិញ ដែលជាចំណុចផ្ទុះរលកទី៤ បានកត់ត្រាការឆ្លងថ្មីចំនួន ២,២២៩ករណី ធ្វើឲ្យករណីឆ្លងសរុបរបស់ទីក្រុងនេះ កើនដល់ ១៨,៨០២ ករណីនៅក្នុងរលកចុងក្រោយ។ នេះក៏ជាលើកដំបូងដែរ ដែលទីក្រុង ហូជីមិញ កត់ត្រាការឆ្លង លើស ២,០០០ករណីក្នុងមួយថ្ងៃ។

ចាប់តាំងពីរលកថ្មីបានចាប់ផ្តើមនៅថ្ងៃទី ២៧ ខែមេសាមក ប្រទេសវៀតណាម បានកត់ត្រាការឆ្លងក្នុងសហគមន៍ចំនួន ៣៣,៨៥៨ ករណីនៅក្នុង ៥៨ខេត្តក្រុង។

ចាប់តាំងពីរោគរាតត្បាតផ្ទុះឡើងកាលពីដើមឆ្នាំមុនមក ករណីឆ្លងសរុបរបស់ប្រទេសវៀតណាម មានចំនួន៣៧,៣៤៣ករណី គិតត្រឹមយប់ថ្ងៃពុធ។

ស្របពេលជាមួយគ្នានោះដែរ វៀតណាម បានប្រកាសពីអ្នកស្លាប់ចំនួន ៣នាក់ទៀត ធ្វើឲ្យការស្លាប់សរុបចាប់តាំងពីរោគរាតត្បាតផ្ទុះឡើង កើនដល់១៣៥នាក់៕

ប្រែសម្រួល៖ Vann Vann

ប្រភព៖ VN Express

ចុចអាន៖ វៀតណាម បន្តរកឃើញអ្នកឆ្លងកូវីដថ្មី ជាង ២ពាន់ករណីទៀត

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម