ព័ត៌មានអន្ដរជាតិ
ទឹកជំនន់មរណៈនៅ អាល្លឺម៉ង់និងបែលហ្សិក សម្លាប់មនុស្សកើនដល់ជិត ១០០នាក់
ចំនួនអ្នកស្លាប់ដោយសារគ្រោះទឹកជំនន់ដ៏សាហាវនៅអឺរ៉ុប បានកើនឡើងដល់៩៣នាក់ហើយ គិតត្រឹមថ្ងៃសុក្រទី១៦ខែកក្កដានេះ ដោយភាគច្រើនគឺនៅភាគខាងលិចប្រទេសអាល្លឺម៉ង់។
លោកស្រីអធិការបតី Angela Merkel បាននិយាយពីទីក្រុងវ៉ាស៊ីនតោន កាលពីល្ងាចថ្ងៃព្រហស្បតិ៍ ខណៈពេលជួបជាមួយប្រធានាធិបតីអាមេរិកលោក Joe Biden ថា “ខ្ញុំបារម្ភថា យើងនឹងឃើញពីវិសាលភាពនៃគ្រោះមហន្តរាយ ដែលកើតឡើងនៅប៉ុន្មានថ្ងៃខាងមុខនេះ”។
ដោយសារតែទំហំនៃគ្រោះមហន្តរាយ និងការវាយប្រហារប្រជាជនទាំងមិនដឹងខ្លួន កាសែត Bild ដែលលក់ដាច់បំផុតរបស់ប្រទេសអាល្លឺម៉ង់ បានឲ្យឈ្មោះគ្រោះមហន្តរាយនេះថា “ទឹកជំនន់មរណៈ”។
អាជ្ញាធរនៅរដ្ឋ Rhineland-Palatinate បាននិយាយថា មនុស្សចំនួន ៥០ នាក់ បានស្លាប់នៅក្នុងរដ្ឋភាគខាងលិចមួយនេះ ដែលនាំឲ្យអ្នកស្លាប់សរុបទូទាំងប្រទេសកើនដល់ ៨១នាក់។
ចំណែកក្នុងប្រទេសបែលហ្ស៊ិក ដែលនៅជិតខាងវិញ មនុស្សស្លាប់ត្រូវបានគេរាយការណ៍ថា មានចំនួន១២នាក់ ហើយមនុស្សជាង ២១,០០០ នាក់ គ្មានអគ្គិសនីប្រើប្រាស់នៅក្នុងតំបន់ Wallonia។
រីឯ ប្រទេសលុចសំបួនិងហូឡង់ ក៏រងផលប៉ះពាល់យ៉ាងធ្ងន់ធ្ងរ ដោយសារទឹកជំនន់ផងដែរ។
ប៉ុន្តែចំនួនអ្នកស្លាប់នៅអាល្លឺម៉ង់គឺខ្ពស់បំផុត ហើយទំនងជានឹងកើនឡើងបន្តទៀត ខណៈមនុស្សជាច្រើននៅតែកំពុងបាត់ខ្លួន ក្នុងរដ្ឋ North Rhine-Westphalia និង Rhineland-Palatinate ដែលជារដ្ឋ រងគ្រោះខ្លាំងជាងគេ៕
ប្រែសម្រួល៖ Vann Vann
ប្រភព៖ AFP
ចុចអាន៖ គ្រោះទឹកជំនន់ធ្ងន់ធ្ងរ កំពុងវាយប្រហារទូទាំងអឺរ៉ុប
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង