Connect with us

ព័ត៌មានអន្ដរជាតិ

គ្រោះទឹកជំនន់ធ្ងន់ធ្ងរ កំពុងវាយប្រហារទូទាំងអឺរ៉ុប

បានផុស

នៅ

មនុស្សយ៉ាងតិច៦០នាក់បានស្លាប់ ដោយសារគ្រោះទឹកជំនន់ វាយប្រហារ ប្រទេសអ៊ឺរ៉ុបជាច្រើន។

ភាគច្រើននៃអ្នកស្លាប់ ត្រូវបានគេបញ្ជាក់នៅក្នុងប្រទេសអាល្លឹម៉ង់ ដោយមនុស្សរាប់សិបនាក់ផ្សេងទៀត កំពុងបាត់ខ្លួននៅទីនោះ ហើយអ្នកខ្លះជាប់លើដំបូលផ្ទះ រង់ចាំការជួយសង្គ្រោះ។

ទោះបីជាយ៉ាងណាក៏ដោយ ប្រទេសស្វីសនិងបែលហ្ស៊ិក ដែលមានអ្នកស្លាប់ចំនួន ៨ នាក់ ក៏រងការវាយប្រហារធ្ងន់ធ្ងរដោយសារភ្លៀងធ្លាក់ខ្លាំងផងដែរ ដែលបណ្តាលឲ្យទឹកទន្លេឡើងផុតច្រាំង និងបាក់អាងស្តុកទឹក។

អធិការបតីអាល្លឺម៉ង់ លោកស្រី Angela Merkel បាននិយាយក្នុងពេលបំពេញទស្សនកិច្ចនៅទីក្រុងវ៉ាស៊ីនតោនថា “ខ្ញុំពិតជាសោកសៅ ចំពោះអ្នកដែលបាត់បង់ជីវិតក្នុងគ្រោះមហន្តរាយនេះ។ យើងនៅមិនទាន់ដឹងតួលេខនៅឡើយទេ។ ប៉ុន្តែវានឹងមានច្រើន”។

អាជ្ញាធរនៅរដ្ឋ North Rhine-Westphalia បាននិយាយថា មនុស្សយ៉ាងតិច៣០នាក់បានស្លាប់ ខណៈ២៨នាក់ ត្រូវបានរាយការណ៍នៅក្នុងរដ្ឋ Rhineland-Palatinate ភាគខាងត្បូង។

ស្របពេលជាមួយគ្នានោះដែរ អាជ្ញាធរនៅតំបន់ Euskirchen ភាគខាងលិចប្រទេសអាល្លឺម៉ង់ បាននិយាយថា មានមនុស្សស្លាប់ចំនួន ៨ នាក់នៅទីនោះ។

កិច្ចខិតខំប្រឹងប្រែងជួយប្រជាជន ត្រូវបានរារាំងដោយសារទំនាក់ទំនងតាមទូរស័ព្ទនិងអ៊ិនធឺណិត ត្រូវបានកាត់ផ្តាច់នៅក្នុងតំបន់មួយនៅភាគនិរតីនៃទីក្រុង Cologne។

ប៉ូលិសនៅទីក្រុងភាគខាងលិច Koblenz បាននិយាយថា មនុស្សចំនួនបួននាក់ បានស្លាប់នៅក្នុងតំបន់ Ahrweiler ហើយប្រហែល ៥០ នាក់បានជាប់នៅលើដំបូលផ្ទះរបស់ពួកគេ។

ផ្ទះចំនួន ៦ ខ្នង បានបាក់រលំទាំងយប់នៅក្នុងភូមិ Schuld ខណៈមនុស្សរហូតដល់ ៧០ នាក់ត្រូវបានគេរាយការណ៍ថា កំពុងបាត់ខ្លួន៕

ប្រែសម្រួល៖ Vann Vann

ប្រភព៖ Metro

ចុចអាន៖ អាល្លឺម៉ង់ រងគ្រោះធ្ងន់ធ្ងរដោយទឹកជំនន់ ស្លាប់និងបាត់ខ្លួនជិត ៨០នាក់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម