ព័ត៌មានអន្ដរជាតិ

អ្នកនយោបាយឥណ្ឌាដែលនិយាយ លាមកគោមិនអាចព្យាបាលកូវីដត្រូវតុលាការបញ្ជាឲ្យដោះលែង

បានផុស

៥ years មុន

នៅ

ថ្ងៃអង្គារ ២០ កក្កដា ២០២១

ដោយ

តុលាការកំពូលឥណ្ឌាបានបញ្ជាឲ្យដោះលែងសកម្មជននយោបាយម្នាក់ដែលបានចាប់ខ្លួនកាលពីខែឧសភាដោយសារបានបង្ហោះសារតាម Facebook ដោយនិយាយថា លាមកគោ និងទឹកនោមគោមិនអាចព្យាបាលជំងឺកូវីដ-១៩បានទេ បន្ទាប់ពីករណីស្លាប់របស់អ្នកនយោបាយរដ្ឋម្នាក់។

កាលពីថ្ងៃចន្ទម្សិលមិញ ប្រធានតុលាការយុត្តិធម៏លោក DY Chandrachud បានចាត់ទុកការបន្តឃុំខ្លួនអ្នកនយោបាយ Leichombam Erendro ជារឿងខុសច្បាប់ក្រោមរដ្ឋធម្មនុញ្ញ និងរំលោភបំពានលើសិទ្ធិរបស់គាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តុលាការកំពូលបានបញ្ជាក់ទៅអាជ្ញាធរពន្ធនាគារ Manipur ឲ្យដោះលែងសកម្មជនមុនម៉ោង៥ល្ងាចថ្ងៃចន្ទ បន្ទាប់ពីលោកត្រូវបានឃុំខ្លួនរយៈពេលពីរខែមកហើយ។

លោក Erendro បានចាប់ខ្លួនកាលពីថ្ងៃទី១៣ ខែឧសភា ជាមួយអ្នកកាសែតឈ្មោះ Kishorechandra Wangkhem ពីបទបះបោរ បន្ទាប់ពីការនិយាយអំពីការស្លាប់របស់លោក Saikhom Tikendra Singh ដែលជាប្រធានរដ្ឋ BJP ដោយសារកូវីដ-១៩។

នៅលើ Facebook លោក Erendro បានសរសេរថា ៖«ការព្យាបាលជំងឺកូវីដ-១៩ដោយលាមកគោ និងទឹកនោមគោមិនអាចជាបានទេ។ ការព្យាបាលត្រូវតែបែបវិញវិទ្យាសាស្ត្រ និងសុភវិនិច្ឆ័យ»។

ជាមួយគ្នានេះ អ្នកកាសែត Wangkhem បានសរសេរស្រដៀងគ្នានេះដែរដា ៖«លាមកគោ ទឹកនោមគោមិនអាចព្យាបាលបានទេ។ វាគ្មានមូលដ្ឋាន។ ថ្ងៃស្អែក ខ្ញុំនឹងបរិភោគត្រី»។

បន្ទាប់ពីការផុសនោះមក អនុប្រធានរដ្ឋ Manipur BJP លោក Usham Deben Singh និងអគ្គលេខាធិការលោក Premananda Meetei បានដាក់ពាក្យប្តឹងលោក Erendro និង Wangkhem ហើយក៏មានចាប់ខ្លួនតែម្តង។

នៅថ្ងៃចន្ទម្សិលមិញ តុលាការបានឆ្លើយតបទៅនឹងការអង្វរបស់ឪពុក Erendro ដែលបានចាត់ទុកថា ការឃុំខ្លួនរបស់សកម្មជននយោបាយជារឿងគួរឲ្យតក់ស្លត់ដែលឃុំខ្លួនដោយខុសច្បាប់ដើម្បីជាការរារាំងដល់សេរីភាពក្នុងការបញ្ចេញមតិ៕

ប្រែសម្រួល៖ វីរបុត្រ
ប្រភព៖ RT