វីរុសបំប្លែងខ្លួនមួយប្រភេទទៀតកំពុងរាលដាល និងអុកឡុកលើកដំបូងនៅ ជប៉ុន

ក្រសួងសុខាភិបាលជប៉ុននិយាយថា វីរុសបំប្លែងខ្លួន Eta ចំនួន ១៨ ករណីត្រូវបានរកឃើញជាលើកដំបូងនៅក្នុងប្រទេសជប៉ុន ។

ក្រសួងបាននិយាយថា ករណីទាំង ១៨ ត្រូវបានរកឃើញតាមរយៈការវិភាគហ្សែននៃសំណាក ដែលយកចេញពីមនុស្សដែលបានធ្វើតេស្តវិជ្ជមាននៅទីតាំងធ្វើចត្តាឡីស័ក បន្ទាប់ពីបានមកដល់ប្រទេសជប៉ុននៅចន្លោះខែធ្នូឆ្នាំមុន និងថ្ងៃទី ៣ ខែកញ្ញាឆ្នាំនេះ ។

ទន្ទឹមនោះ គេហទំព័រមួយដែលចុះបញ្ជីលំដាប់ហ្សែននៃជំងឺកូវីដ ១៩ បាននិយាយថា វីរុសបំប្លែងខ្លួន Eta ត្រូវបានរាយការណ៍នៅក្នុងប្រទេសជាង ៧០ ហើយ ជាពិសេសនៅសហរដ្ឋអាមេរិក និងអឺរ៉ុប ។

គួរបញ្ជាក់ថា វីរុសបំប្លែងខ្លួន Eta ឬ B.1.525 ត្រូវបានរកឃើញដំបូងនៅក្នុងប្រទេសអង់គ្លេសកាលពីខែធ្នូឆ្នាំមុន ខណៈអង្គការសុខភាពពិភពលោក (WHO) បានបន្ថែមវីរុសនេះទៅក្នុងបញ្ជីមេរោគគួរឲ្យចាប់អារម្មណ៍កាលពីខែមីនា ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ក្រុមហ៊ុន Moderna ចេញមុខបញ្ជាក់ពីសារធាតុក្នុងវ៉ាក់សាំង ដែល ជប៉ុន ចាក់ទៅបណ្ដាលឲ្យមនុស្សស្លាប់