ព័ត៌មានអន្ដរជាតិ
ឥណ្ឌារកឃើញអង់ទីគ័រប្រឆាំងកូវីដធ្លាក់ចុះខ្លាំងក្រោយចាក់វ៉ាក់សាំង៤ខែ
ការសិក្សាមួយលើបុគ្គលិកសុខាភិបាលដែលបានចាក់វ៉ាក់សាំងពេញទាំងពីរដូសចំនួន៦១៤នាក់នៅប្រទេសឥណ្ឌាបានរកឃើញពីការធ្លាក់ចុះយ៉ាងខ្លាំងនៅក្នុងអង់ទីគ័រប្រឆាំងនឹងកូវីដ-១៩ ក្នុងរយៈពេល៤ខែនៃការចាក់ដូសទី១។
ការសិក្សារកឃើញនេះហើយដែលបានជួយឲ្យរដ្ឋាភិបាលឥណ្ឌាសម្រេចថាតើត្រូវចាក់ដូសជំរុញបន្ថែម ខណៈប្រទេសមួយចំនួនបានចាក់ដូសទី៣ហើយ។
នាយកវិទ្យាស្ថានគ្រប់គ្រងដោយរដ្ឋមួយរបស់ឥណ្ឌាបានធ្វើការសិក្សានេះបាននិយាយថា អង់ទីគ័របានកំពុងថយចុះមិនមែនមានន័យថា មនុស្សដែលបានចាក់វ៉ាក់សាំងបាត់បង់សមត្ថភាពរបស់ពួកគេដើម្បីការពារជំងឺកូវីដឡើយ ពីព្រោះកោសិកាចងចាំរបស់រាងកាយប្រហែលនៅតែអាចផ្តល់ការការពារបានយ៉ាងខ្លាំង។
លោក Sanghamitra Pati នៅមជ្ឈមណ្ឌលស្រាវជ្រាវវេជ្ជសាស្ត្រប្រចាំតំបន់ស្ថិតនៅទីក្រុង Bhubaneswar បាននិយាយនៅថ្ងៃអង្គារ៍ម្សិលមិញថា ៖«បន្ទាប់ពី៦ខែ យើងគួរតែអាចប្រាប់អ្នកឲ្យកាន់តែច្បាស់ថាតើត្រូវការចាក់ដូសជំរុញបន្ថែមនៅពេលណា។ ហើយយើងគួរជំរុញឲ្យការសិក្សាស្រដៀងគ្នានៅតំបន់ផ្សេងគ្នាសម្រាប់ទិន្នន័យឥណ្ឌាបឋម»។
អ្នកស្រាវជ្រាវអង់គ្លេសបាននិយាយកាលពីខែមុនថា ការការពារទទួលបានពីការចាក់ពីរដូសនៃវ៉ាក់សាំង Pfizer/BioNTech និង AstraZeneca បានចាប់ផ្តើមចុះខ្សោយក្នុងរយៈពេល៦ខែ។
ការសិក្សារបស់ប្រទេសឥណ្ឌាដែលបានចេញផ្សាយនៅ Research Square ប៉ុន្តែមិនទាន់ត្រូវបានត្រួតពិនិត្យឡើងវិញគឺជាការរកឃើញមួយនៃការសិក្សាបែបនេះលើកដំបូងនៅក្នុងប្រទេសពាក់ព័ន្ធនឹងការចាក់ Covishield ពីរដូសដែលវ៉ាក់សាំងនេះទទួលបានអាជ្ញាប័ណ្ណពី AstraZeneca និងវ៉ាក់សាំងផលិតក្នុងស្រុក Covaxin។
មន្ត្រីសុខាភិបាលបាននិយាយថា ទោះជាពួកគេកំពុងសិក្សាពាក់ព័ន្ធនឹងវិទ្យាសាស្ត្រនៃការចាក់ដូសជំរុញ ក៏អាទិភាពគឺចាក់វ៉ាក់សាំងបង្ការកូវីដដល់ប្រជាជនឥណ្ឌាធំពេញវ័យឲ្យបាន៩៤៤លាននាក់។ ជាង៦០%នៃពួកគេហោចណាស់ចាក់បាន១ដូស និង១៩%ចាក់បាន២ដូស។
ករណីឆ្លង និងស្លាប់ដោយកូវីដនៅប្រទេសឥណ្ឌាបានធ្លាក់ចុះយ៉ាងខ្លាំងចាប់តាំងឆ្លងខ្លាំងឈានដល់កំពូលជាង៤០០០០០នាក់កាលពីដើមខែឧសភា។ ឥណ្ឌាមានករណីឆ្លងសរុបដែលត្រូវបានរាយការណ៍ ៣៣.២៩លាននាក់ និងស្លាប់៤៤៣២១៣នាក់៕
ប្រែសម្រួល៖ វីរបុត្រ
ប្រភព៖ reuters
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង