ព័ត៌មានអន្ដរជាតិ
ដល់ថ្ងៃរដ្ឋាភិបាល ជប៉ុន លាលែងពីតំណែង អតីតរដ្ឋមន្ត្រីការបរទេសចូលកាន់ជានាយករដ្ឋមន្ត្រីថ្មី
ទីភ្នាក់ងារសារព័ត៌មានក្យូដូបានរាយការណ៍ថា រដ្ឋាភិបាលជប៉ុនបានលាលែងពីតំណែងហើយ ហើយសភានឹងបោះឆ្នោតគាំទ្របេក្ខភាពនាយករដ្ឋមន្រ្តីនៅថ្ងៃចន្ទនេះ ខណៈអតីតរដ្ឋមន្រ្តីការបរទេសលោក Fumio Kishida នឹងជាប់ឆ្នោតជានាយករដ្ឋមន្ត្រី ។
នៅចុងខែកញ្ញា ប្រធានលេខាធិការគណៈរដ្ឋមន្ត្រីលោក Katsunobu Kato បានប្រកាសថា គណៈរដ្ឋមន្រ្តីជប៉ុនបានកំណត់ពេលប្រជុំសភាវិសាមញ្ញនៅថ្ងៃទី ៤ ខែតុលានេះ ដើម្បីជ្រើសរើសនាយករដ្ឋមន្ត្រីថ្មី ។
សារព័ត៌មានក្យូដូបានរាយការណ៍នៅព្រឹកថ្ងៃចន្ទនេះថា លោក Kishida វ័យ ៦៤ ឆ្នាំនឹងត្រូវបោះឆ្នោតជ្រើសរើសដោយសភា នៅពេលកិច្ចប្រជុំសភាវិសាមញ្ញធ្វើឡើងនៅរសៀលនេះ ។
ទន្ទឹមនោះ នៅក្នុងគណៈរដ្ឋមន្ត្រីថ្មីលោក Toshimitsu Motegi នៅតែជារដ្ឋមន្ត្រីការបរទេស ខណៈលោក Shunichi Suzuki នឹងត្រូវបានតែងតាំងជារដ្ឋមន្ត្រីក្រសួងហិរញ្ញវត្ថុ ហើយលោក Hirokazu Matsuno ជាប្រធានលេខាធិការគណៈរដ្ឋមន្ត្រី ។
ស្របពេលជាមួយគ្នានេះ សារព័ត៌មានក្យូដូបានរាយការណ៍ទៀតថា រឿងរ៉ាវដំបូងរបស់លោក Kishida ក្នុងការកាន់តំណែង គឺការអនុវត្តវិធានការការពារការផ្ទុះឡើងថ្មីនៃជំងឺកូវីដ ១៩ ខណៈដែលប្រទេសកោះមួយនេះកំពុងមើលឃើញពីករណីឆ្លងមានការធ្លាក់ចុះ ។
ចំណែកយោងតាមការដកស្រង់ប្រភពព័ត៌មានលម្អិតមួយបានឲ្យដឹងថា លោក Kishida មានបំណងរំលាយសភានៅថ្ងៃទី ១៤ ខែតុលា ហើយរៀបចំការបោះឆ្នោតនៅថ្ងៃទី ៧ ខែវិច្ឆិកា ។
គួរបញ្ជាក់ថា នាយករដ្ឋមន្រ្តីបច្ចុប្បន្នគឺលោក Yoshihide Suga បានប្រកាសកាលពីដើមខែកញ្ញានៃការសម្រេចចិត្តមិនឈរឈ្មោះជាប្រធានគណបក្សប្រជាធិបតេយ្យសេរីនិយម (LDP) ដែលកំពុងកាន់អំណាចនោះ ពោលមានន័យថា លោក Suga ក៏នឹងលាលែងពីតំណែងជាប្រមុខរដ្ឋាភិបាលផងដែរ ខណៈលោកបានចំណាយពេលត្រឹមតែ ៣៨៤ ថ្ងៃប៉ុណ្ណោះនៅក្នុងការកាន់អំណាច ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ ថ្នាំកូវីដលេបមួយថ្ងៃមួយគ្រាប់របស់ ជប៉ុន ចាប់ផ្ដើមផលិត និងផ្គត់ផ្គង់លើទីផ្សារនៅចុងឆ្នាំនេះ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ