Connect with us

ព័ត៌មានអន្ដរជាតិ

មួយថ្ងៃផ្ទុះការវាយប្រហារភេរវកម្ម ១១ ដងនៅ ស៊ីរី

បានផុស

នៅ

លោកឧត្តមនាវីឯក Vadim Kulit អនុប្រធានមជ្ឈមណ្ឌលសម្រាប់ការផ្សះផ្សានៃការប្រឆាំងនៅស៊ីរីបាននិយាយថា ក្រុមភេរវករ Jabhat al-Nusra បានបាញ់ផ្លោងលើតំបន់ Idlib នៃប្រទេសស៊ីរីចំនួន ១១ ដងក្នុងរយៈពេល ២៤ ម៉ោងចុងក្រោយនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Kulit បាននិយាយថា “ក្នុងរយៈពេលមួយថ្ងៃការវាយប្រហារដោយគ្រាប់ផ្លោងចំនួន ១១ ដងពីទីតាំងរបស់ក្រុមភេរវករ Jabhat al-Nusra ត្រូវបានកត់ត្រានៅក្នុងតំបន់ Idlib ៦ ដង ទីក្រុង Aleppo ៤ ដង និងទីក្រុង Latakia ១ ដង” ។

លោក Kulit បាននិយាយទៀតថា ការវាយប្រហារនៅក្នុងខេត្ត Idlib ទាហានស៊ីរីម្នាក់ត្រូវបានសម្លាប់ ដោយអ្នកលបបាញ់ ។

គួរបញ្ជាក់ថា មជ្ឈមណ្ឌលសម្រាប់ការផ្សះផ្សានៃការប្រឆាំង និងការត្រួតពិនិត្យលើចលនាជនភៀសខ្លួននៅស៊ីរីរបស់ក្រសួងការពារជាតិរុស្ស៊ីត្រូវបានបង្កើតឡើងនៅខែកុម្ភៈ ឆ្នាំ ២០១៦ ។

ភារកិច្ចរបស់មជ្ឈមណ្ឌលមួយនេះរួមមានការចុះហត្ថលេខាលើកិច្ចព្រមព្រៀងស្តីពីក្រុមប្រដាប់អាវុធខុសច្បាប់ និងការតាំងទីលំនៅបុគ្គលដែលចូលរួមក្នុងរបបនៃការកម្ចាត់សត្រូវ ក៏ដូចជាការសម្របសម្រួលការផ្តល់ជំនួយមនុស្សធម៌ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ពលរដ្ឋ អាហ្វហ្គានីស្ថាន រាប់រយនាក់ញាប់ដៃញាប់ជើងទៅធ្វើលិខិតឆ្លងដែន ចេញពីប្រទេស

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម