ព័ត៌មានអន្ដរជាតិ
កុមារអាយុ៩ខែស្ថិតក្នុងចំណោមអ្នកស្លាប់ក្នុងហេតុការណ៍រថយន្តបុករះអ្នកថ្មើរជើងនៅ អាល្លឺម៉ង់ (មានវីដេអូ)
ប៉ូលិសបាននិយាយថា រថយន្តមួយគ្រឿងបានបើកបុករះចូលផ្លូវអ្នកថ្មើរជើងក្នុងទីក្រុង Trier ភាគខាងលិចប្រទេសអាល្លឺម៉ង់ដោយបានសម្លាប់មនុស្ស៥នាក់ដោយក្នុងនោះរួមមានទាំងកុមារអាយុ៩ខែម្នាក់ផងដែរ។

អ្នកបើកឡានជាបុរសក្នុងស្រុកអាយុ៥១ឆ្នាំត្រូវបានចាប់ខ្លួន។ រដ្ឋអាជ្ញានិយាយថា ជនសង្ស័យមានជាតិអាល់កុលច្រើន។

អាជ្ញាធរនិយាយថា ពួកគេមិនបានសន្មតថា ឧប្បត្តិហេតុនេះគឺជាហេតុផលនយោបាយឬសាសនានោះទេ។

ស្របពេលជាមួយគ្នានោះ ចៅហ្វាយក្រុងបានរៀបរាប់ថា កន្លែងកើតហេតុពិតជាគួរឲ្យរន្ធត់ណាស់។

សាក្សីនិយាយថា មនុស្សបានស្រែកដោយភាពភ័យស្លន់ស្លោហើយខ្លះត្រូវរថយន្ត SUV បុកប៉ើងឡើងលើ។ រថយន្តនេះកំពុងធ្វើដំណើរក្នុងល្បឿនយ៉ាងលឿនតាមផ្លូវ Brotstrasse និង Simeonstrasse របស់ទីក្រុង Trier ឆ្ពោះទៅកាន់ក្លោងទ្វារ Porta Nigra សម័យរ៉ូម៉ាំងដ៏ល្បីល្បាញរបស់ទីក្រុងនេះ។

អ្នកនាំពាក្យប៉ូលិសក្រុង Trier លោក Karl-Peter Jochem បាននិយាយថា ឧប្បត្តិហេតុនេះបានកើតឡើងនៅម៉ោងប្រហែល១៣និង៤៥នាទីម៉ោងក្នុងស្រុកហើយជនសង្ស័យបានបើកឡានចម្ងាយ១គីឡូម៉ែត្រដោយបុកមនុស្សគ្រប់គ្នានៅតាមផ្លូវរបស់គាត់មុនពេលត្រូវប៉ូលិសបញ្ឈប់។

ករណីនេះបានធ្វើឲ្យគេនឹកឃើញដល់ការវាយប្រហារឆ្នាំ២០១៦ក្នុងទីក្រុងប៊ែរឡាំងនៅពេលដែលសកម្មប្រយុទ្ធឥស្លាមម្នាក់បានបើកឡានដឹកទំនិញបុករះចូលក្នុងផ្សារបុណ្យណូអែលដោយបានសម្លាប់មនុស្សចំនួន១២នាក់និងរាប់សិបនាក់ផ្សេងទៀតរងរបួស៕
សូមទស្សនាវីដេអូខាងក្រោម៖
ប្រែសម្រួលដោយ៖ Vann Vann
ប្រភព៖ BBC
ចុចអាន៖ ឥណ្ឌូនេស៊ី ដាក់ពង្រាយកងអង្គភាពពិសេសបន្ទាប់ពីការវាយប្រហារភេរវកម្ម
ចុចអាន៖ អ្នកទោសឥស្លាម ១៤នាក់ ដែលទើបដោះលែង ត្រូវគេចាប់ដាក់ពន្ធនាគារវិញ ក្រោយភេរវកម្មនៅ Vienna

-
ព័ត៌មានអន្ដរជាតិ២ ថ្ងៃ ago
ពលរដ្ធថៃ រត់ប្រសាចគ្នា ក្រោយបាក់ទំនប់បាវខ្សាច់ លិចក្រុងសុខោទ័យភ្លាមៗ
-
ព័ត៌មានអន្ដរជាតិ១ សប្តាហ៍ ago
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ១ ថ្ងៃ ago
ចិន ច្រានចោលព័ត៌មានក្លែងក្លាយរបស់ថៃ ដែលថាខ្លួនផ្តល់អាវុធថ្មីដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន
-
ព័ត៌មានអន្ដរជាតិ៦ ថ្ងៃ ago
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
បច្ចេកវិទ្យា១ សប្តាហ៍ ago
ជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
-
ព័ត៌មានអន្ដរជាតិ៣ ថ្ងៃ ago
អាមេរិក អាចចាត់វិធានការលើថៃ បើរកឃើញថា ថៃ បំពានលក្ខខណ្ឌប្រើ F-16 វាយប្រហារកម្ពុជា
-
ព័ត៌មានអន្ដរជាតិ៤ ថ្ងៃ ago
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ