ព័ត៌មានអន្ដរជាតិ

WHO ឈានដល់សេចក្តីព្រាងសន្ធិសញ្ញារោគរាតត្បាតនាពេលអនាគតហើយ

បានផុស

២ years មុន

នៅ

ថ្ងៃចន្ទ ២៩ វិច្ឆិកា ២០២១

ដោយ

រដ្ឋជាសមាជិកនៃអង្គការសុខភាពពិភពលោក (WHO) បានឯកភាពជាបណ្តោះអាសន្នដើម្បីពិភាក្សាអំពីសន្ធិសញ្ញារោគរាតត្បាតនាពេលអនាគតដែលនឹងបិទគម្លាតគ្នារវាងសហភាពអឺរ៉ុប និងសហរដ្ឋអាមេរិក។ នេះបើយោងតាមមន្ត្រីការទូតបាននិយាយកាលពីថ្ងៃអាទិត្យ។

ពួកគេបាននិយាយថា សេចក្តីព្រាងដំណោះស្រាយដែលត្រូវបានចរចាកាលពីចុងសប្តាហ៍កន្លងទៅនេះនឹងត្រូវបានបង្ហាញជូនរដ្ឋមន្ត្រីសុខាភិបាលអនុម័តនៅមហាសន្និបាតពិសេសរយៈពេល៣ថ្ងៃរបស់ WHO ដែលចាប់ផ្តើមនៅថ្ងៃចន្ទនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបង្ហាញរបស់ក្រុមការទូតកើតមានឡើងចំពេលដែលមានកង្វល់អន្តរជាតិកំពុងកើនឡើងជុំវិញវីរុសបំប្លែងខ្លួនថ្មី Omicron ដែលរកឃើញលើកដំបូងនៅអាហ្វ្រិកខាងត្បូងក្នុងសប្តាហ៍នេះ និងបានរាលដាលស្ទើរទូទាំងពិភពលោកហើយ។

សន្ធិសញ្ញាសកលនេះគឺដើម្បីពង្រឹងការការពារ និងឆ្លើយតបវីរុសរាតត្បាតដែលត្រូវបានគេរំពឹងរួចរាល់នាខែឧសភា ឆ្នាំ២០២៤នឹងគ្របដណ្តប់លើបញ្ហាដូចជា ការចែករំលែកទិន្នន័យ និងលំដាប់ហ្សេននៃវីរុរសលេចឡើង ព្រមទាំងគ្រប់គ្រងលើវ៉ាក់សាំង ឱសថ និងការស្រាវជ្រាវដើម្បីធានាដល់តុល្យភាពដល់ប្រទេសទូទាំងពិភពលោក។

លោក Simon Manley ឯកអគ្គរាជទូតអង់គ្លេសប្រចឆាំនៅអង្គការសហប្រជាជាតិបាននិយាយក្នុងសេចក្តីថ្លែងការណ៍មួយថា ៖«ការសម្រេចចិត្តនេះ ដើម្បីបង្កើតស្ថាប័នចរចាស្តីពីកិច្ចព្រមព្រៀងវីរុសរាតត្បាតនាពេលអនាគត ប្រហែលជាចុងបញ្ចប់នៃការចាប់ផ្តើម ប៉ុន្តែភាពបត់បែនបានបង្ហាញ និងមានការគាំទ្រទូលំទូលាយគឺជាសញ្ញាដ៏ល្អនៃកិច្ចខិតខំប្រឹងប្រែងចេញជាលទ្ធផល»។

ចក្រភពអង់គ្លេសរួមជាមួយសហភាពអឺរ៉ុប និងប្រទេស៧០ផ្សេងបានជំរុញឲ្យមានសន្ធិសញ្ញាដែលមានកាតព្វកិច្ចស្របច្បាប់៕

ប្រែសម្រួល៖ វីរបុត្រ
ប្រភព៖ Reuters