ព័ត៌មានជាតិ
លោកឧត្តមសេនីយ៍ឯក រ័ត្ន ស្រ៊ាង ផ្តល់កាឧបត្ថម្ភថ្លៃសិក្សាឆ្នាំទី៤ តាមការសន្យាដល់យុវជនក្រីក្រម្នាក់
លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញ និងជាប្រធានក្រុមការងាររាជរដ្ឋាភិបាល ចុះមូលដ្ឋានខណ្ឌដង្កោ នាថ្ងៃទី២៧ ខែតុលា ឆ្នាំ២០២១ ម្សិលមិញនេះបានចាត់ឲ្យក្រុមការងារ ដែលមានលោកឧត្ដមសេនីយ៍ត្រី ឈុន ប៊ុនទី មេបញ្ជាការរង កងរាជអាវុធហត្ថរាជធានីភ្នំពេញ ជាតំណាងនាំយកថវិកាជូនដល់យុវជនឈ្មោះ សល់ ធា អាយុ២១ឆ្នាំ ជានិស្សិតបរិញ្ញាបត្រឆ្នាំទី៤ តាមការសន្យា ជួយបង់សេវាថ្លៃសិក្សាក្នុងមួយឆ្នាំចំនួន៥០០$ ជារៀងរាល់ឆ្នាំ រហូតដល់បញ្ចប់ថ្នាក់ឧត្តមសិក្សា។
ក្នុងនាមលោកឧត្តមសេនីយ៍ឯក រ័ត្ន ស្រ៊ាងលោកឧត្ដមសេនីយ៍ត្រី ឈុន ប៊ុនទី មេបញ្ជាការរង កងរាជអាវុធហត្ថរាជធានីភ្នំពេញបានថ្លែងថា យុវជនក្រីក្រដែលមានសំណាងរូបនេះ គឺត្រូវជាចៅបង្កើតរបស់សពលោក ប៉ាន់ ប៉ន អតីតចៅសង្កាត់រងទី១ សង្កាត់ព្រែកកំពឹស និងជា អតីត:សកម្មជនគណបក្សCNRP ដែលបានមកចូលរួមជីវភាពនយោបាយ ជាមួយគណបក្សប្រជាជនកម្ពុជានៅថ្ងៃទទួលអនិច្ចកម្ម កាលពីខែវិច្ឆិកា ឆ្នាំ២០១៩កន្លងទៅ។
គួររំលឹកដែរថា គ្រាដែលលោក ប៉ាន់ ប៉ន បានទទួលអនិច្ចកម្ម លោកឧត្តមសេនីយ៍ឯក រ័ត្ន ស្រ៊ាង បាននាំយកសម្ភារ: ថវិកា ទៅចូលរួម រំលែកទុក្ខដល់ក្រុមគ្រួសារនៃសពដោយផ្ទាល់ និងបានសំណេះសំណាលជាមួយក្រុមគ្រួសារនៃសព ដឹងថាមានចៅប្រុសម្នាក់របស់សព កំពុងតែបន្តការសិក្សាឆ្នាំទី១ នៅមហាវិទ្យាល័យ ហើយអាចនឹងមិនបានរៀន តទៅទៀត ដោយសារលោក ប៉ាន់ ដែលជាអ្នកជួយផ្គត់ផ្គង់ការសិក្សា បានស្លាប់នោះ ។ ក្រោយដឹងនូវរឿងរ៉ាវពិតរួចមកលោកឧត្តមសេនីយ៍ រ័ត្ន ស្រ៊ាងមានការអាណិតអាសូក៏បានធានា ជួយឧបត្ថម្ភ ថ្លៃសិក្សាឲ្យយុវជន ឈ្មោះសល់ ធា ចាប់ពីឆ្នាំសិក្សាទី២រហូតដល់បញ្ចប់មហាវិទ្យាល័យ ក្នុង១ឆ្នាំ ៥០០$ ដោយមិនឲ្យអាកខានការសិក្សាឡើយ៕
អត្ថបទ៖ វិមាន
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន