ព័ត៌មានអន្ដរជាតិ

ថ្នាំរបស់ GSK-Vir មានប្រសិទ្ធភាពប្រឆាំងវីរុស Omicron ប្រែប្រួលទាំងអស់

បានផុស

៩ ខែ មុន

នៅ

ថ្ងៃពុធ ៨ ធ្នូ ២០២១

ដោយ

ក្រុមហ៊ុនផលិតឱសថ GSK.L បាននិយាយម្សិលមិញថា ថ្នាំរបស់ខ្លួនដែលផលិតសហការជាមួយដៃគូអាមេរិក Vir Biotechnology មានប្រសិទ្ធភាពប្រឆាំងនឹងការប្រែប្រួលទាំងអស់នៃវីរុសបំប្លែងខ្លួនថ្មី Omicron ដោយផ្អែកលើទិន្នន័យថ្មីការសិក្សាដំណាក់កាលដំបូង។

ក្រុមហ៊ុន GSK បាននិយាយក្នុងសេចក្តីប្រកាសមួយថា ទិន្នន័យដែលមិនទាន់ចេញផ្សាយជាផ្លូវការបានបង្ហាញថា ថ្នាំព្យាបាល Strovimab មានប្រសិទ្ធភាពប្រឆាំងនឹងការផ្លាស់ប្តូរដែលត្រូវបានរកឃើញ៣៧ប្រភេទរហូតដល់ពេលនេះតាមរយៈប្រូតេអ៉ីន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីសប្តាហ៍មុន ទិន្នន័យមុនពេលការសាកល្បងគ្លីនិកមួយទៀតបានបង្ហាញថា ថ្នាំមានប្រសិទ្ធភាពប្រឆាំងនឹងវីរុសបំប្លែងខ្លួនចម្បង Omicron។ ថ្នាំ Sotrovimab ត្រូវបានផលិតឡើងមកពីប្រូតេអ៉ីន spike នៅលើផ្ទៃនៃវីរុសកូរ៉ូណា ប៉ុន្តែវីរុសបំប្លែងខ្លួន Omicron ត្រូវបានរកឃើញមានចំនួនច្រើនមិនធម្មតានៃការផ្លាស់ប្តូរនៅលើប្រូតេអ៉ីននោះ។

នាយកប្រតិបត្តិក្រុមហ៊ុន GSK លោក Hal Barron បាននិយាយថា ៖«ទិន្នន័យមុនគ្លីនិកសាស្ត្រទាំងនោះបង្ហាញពីសក្តានុពលសម្រាប់អង់ទីគ័រមូណូក្លូណល (monoclonal) របស់យើងមានប្រសិទ្ធភាពប្រឆាំងនឹងវីរុសបំប្លែងខ្លួនថ្មីបំផុត Omicron ដែលបន្ថែមលើវីរុសបំប្លែងខ្លួនផ្សេងៗដែលជាក្តីកង្វល់ត្រូវបានបញ្ជាក់ដោយអង្គការសុខភាពពិភពលោក»៕

ប្រែសម្រួល៖ វីរបុត្រ
ប្រភព៖ reuters