Connect with us

ព័ត៌មានអន្ដរជាតិ

Elon Musk ជាប់ឈ្មោះជាបុគ្គលឆ្នើម ប្រចាំឆ្នាំរបស់ទស្សនាវដ្តី Time

បានផុស

នៅ

ទស្សនាវដ្ដី Time កាល​ពី​ថ្ងៃ​ចន្ទនេះ ​បានដាក់​ឈ្មោះ​ប្រធានក្រុមហ៊ុន Tesla និង​ជា​សហគ្រិន​អវកាស​លោក Elon Musk ជា​បុគ្គល​ឆ្នើម​ប្រចាំ​ឆ្នាំ ដោយ​លើក​ឡើង​អំពី​ការ​ផ្លាស់​ប្តូរ​ក្នុងពិភពបច្ចេក​វិទ្យា ដែលមហាសេដ្ឋីរូបនេះបាន​កែប្រែ​ជីវិតរស់នៅរបស់​មនុស្ស​ កំលុងសម័យកាលឌីជីថល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឆ្នាំ២០២១នេះ Elon Musk បានវ៉ាដាច់ស្ថាបនិក Amazon លោក Jeff Bezos ក្លាយជាមហាសេដ្ឋីមានបំផុតនៅលើពិភពលោក និងក្លាយបុគ្គលមានឥទ្ធិពលលើផែនដីដោយសារភាគហ៊ុននៃក្រុមហ៊ុនរថយន្តអគ្គិសនី Tesla និងក្រុមហ៊ុនរ៉ុកកែត SpaceX បានកើនឡើងប្រាក់ចំណេញយ៉ាងគំហុក។

បើយោងតាមការចុះផ្សាយពីទស្សនាវដ្ដី Forbes កាលពីខែតុលា ឆ្នាំ២០២១ កន្លងទៅ ​ មហាសេដ្ឋីដែលមានដើមកំណើតនៅអាហ្វ្រិកខាងត្បូងរូបនេះ បានកើនឡើងទ្រព្យសម្បត្តិ ក្នុងអំឡុងពេលជំងឺរាតត្បាតរហូតដល់ជាង ៣០០ ពាន់លានដុល្លារ ត្រឹមពេលដ៏ខ្លី។

The Rise of SpaceX Elon Musk's Engineering Masterpiece - YouTube

ក្នុងខែដដែល ក្រុមហ៊ុនរថយន្តអគ្គិសនីរបស់ Musk បានកើនឡើងលើសពីមួយពាន់ពាន់លានដុល្លារ ហើយក្រុមហ៊ុន SpaceX ឯណោះវិញបានសហការជាមួយទីភ្នាក់ងារអវកាសអាមេរិក NASA ដើម្បីចាប់ផ្តើមបេសកកម្មផ្សេងទៀតរួមទាំងការសាកល្បងការការពារផែនដីពីអាចម៍ផ្កាយផងដែរ។

ទស្សនាវដ្ដី Time បានឱ្យដឹងថា កាលពីឆ្នាំមុន បុគ្គលដែលឥទ្ធិពលបំផុតលើទស្សនាវដ្ដីរបស់ខ្លួន គឺបានទៅប្រធានាធិបតី Joe Biden និងអនុប្រធានប្រធានាធិបតី លោកស្រី Kamala Harris ខណៈឆ្នាំនេះគឺ Elon Musk។

ដោយឡែក លោក Edward Felsenthal និពន្ធនាយករបស់ទស្សនាវដ្ដី Time បានសរសេរថា “ការកើនឡើងប្រជាប្រិយភាពរបស់លោក Elon Musk ដោយសារនិន្នាការនៃការប្រើប្រាស់បច្ចេកវិទ្យា កាន់តែមានភាពទូលំទូលាយ ហើយមូលហេតុនេះ គឺជាផ្នែកមួយនាំឱ្យមហាសេដ្ឋីវ័យ ៥០ឆ្នាំរូបនេះ មានឥទ្ធិពលខ្លាំងឡើងៗ។”

Spat Between Elon Musk And Democrats Expands To Biden's Build Back Better  Bill

និពន្ធនាយករបស់ទស្សនាវដ្ដី Time បន្ថែមថា ក្នុងចំណោមនិន្នាការបច្ចេកវិទ្យាដែលនាំឱ្យ Elon Musk មានឈ្មោះកាន់តែសុះសាយពាសពេញពិភពលោក ក៏ដោយសារតែការរស់នៅបែបប្រពៃណីមានការអភិវឌ្ឍ ចំណែកឯអាជីវកម្មទៀតសោត ក៏ត្រូវការប្រព័ន្ធឌីជីថលខ្លាំងបំផុត ដូច្នេះបច្ចេកវិទ្យាកាន់តែមានតម្រូវការខ្ពស់។

មិនត្រឹមតែប៉ុណ្ណោះ Musk បានទាក់ទាញចំនួនអ្នកតាមដានលើបណ្ដាញសង្គម Twitter ជាង ៦៦លាននាក់ នៅអាមេរិក ដែលវាជាចំនួនដ៏លើសលុប សម្រាប់សហគ្រិន ព្រោះកម្រមានសហគ្រិនណា មានមនុស្សតាមដានច្រើនដល់ម្ល៉ឹងឡើយ៕

ប្រែសម្រួល៖ ​សន្យា

ចុចអាន៖ កំពូលមហាសេដ្ឋី ១០ រូប មានប្រាក់វាល់លាន តែប្រើជីវិតរស់នៅសាមញ្ញខ្លាំង ស្ទើរមិនជឿ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៤ នាទី មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ៤៣ នាទី មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង១ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៤ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៤ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

Sokha Hotels

ព័ត៌មានពេញនិយម