ព័ត៌មានអន្ដរជាតិ

ថ្ងៃនេះ កូរ៉េខាងជើងបាញ់មីស៊ីលប្លាស្ទិកចូលសមុទ្រទាំងព្រឹក

បានផុស

២ years មុន

នៅ

ថ្ងៃពុធ ៥ មករា ២០២២

ដោយ

កូរ៉េខាងជើងបានបាញ់នូវអ្វីដែលទំនងជាមីស៊ីលប្លាស្ទិកចូលសមុទ្រនាព្រឹកថ្ងៃពុធ ទី៥ ខែមករានេះដែលជាការបាញ់លើកដំបូងរបស់ទីក្រុងព្យុងយ៉ាងនាឆ្នាំថ្មី។

នៅក្នុងមួយទសវត្សរ៍ចាប់តាំងពីលោក គីម ជុងអ៊ុន កាន់អំណាច ប្រទេសកូរ៉េខាងជើងត្រូវបានគេមើលឃើញមានការរីកចម្រើនច្រើនណាស់នៅក្នុងផ្នែកបច្ចេកវិទ្យាយោធារបស់ខ្លួននៅក្នុងតម្លៃទណ្ឌកម្មអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាវុធដែលទំនងជាលើកទី១ក្នុងការបាញ់នាឆ្នាំ២០២២របស់ប្រទេសអាវុធនុយក្លេអ៊ែរមួយនេះធ្វើឡើង បន្ទាប់ពីមួយឆ្នាំនៃការបាញ់សាកល្បងអាវុធខ្នាតធំ ទោះជាសេដ្ឋកិច្ចដុនដាបខ្លាំងក្នុងអន្តរកាលកូវីដ-១៩ក៏ដោយ។

យោធាកូរ៉េខាងត្បូងបាននិយាយថា កូរ៉េខាងជើងបានបាញ់នូវអ្វីដែលសន្មត់ជាអាវុធមីស៊ីលប្លាស្ទិកចូលទៅក្នុងសមុទ្រភាគខាងកើតឧបទ្វីបវេលាម៉ោង៨:១០នាទីព្រឹកនេះ។

អគ្គសេនាធិការចម្រុះទីក្រុងសេអ៊ូលបាននិយាយក្នុងសេចក្តីថ្លែងការណ៍ថា ៖«ចារកម្មកូរ៉េខាងត្បូង និងសហរដ្ឋអាមេរិកបានកំពុងធ្វើការវិភាគយ៉ាងដិតដល់សម្រាប់ព័ត៌មានលំអិតបន្ថែមទៀត»។

លោកនាយករដ្ឋមន្ត្រីជប៉ុន Fumio Kishida បានចាត់ទុកថាជា«ការចាប់ផ្តើមដំណើរការមីស៊ីលប្លាស្ទិកដែលអាចទៅរួច»។

លោកមានប្រសាសន៍ថា ៖«វាពិតជាសោកស្តាយដែលកូរ៉េខាងជើងចេះតែបន្តបាញ់មីស៊ីលតាំងពីឆ្នាំមុនមក»។ លោកថា រដ្ឋាភិបាលជប៉ុនបានកំពុងធ្វើការវិភាគលំអិតថែមទៀតរាប់ទាំងថា តើមីស៊ីលប៉ុន្មានគ្រាប់ដែលត្រូវបានបាញ់។

នៅក្នុងឆ្នាំ២០២១កន្លងទៅ កូរ៉េខាងជើងបានអះអាងថា ខ្លួនបានបាញ់សាកល្បងប្រកបដោយជោគជ័យសម្រាប់ មីស៊ីលប្លាស្ទិកប្រភេទថ្មីមួយដំណើរការដោយនាវាមុជទឹក កាំជ្រួចមីស៊ីលចម្ងាយឆ្ងាយ អាវុធដែលដំណើរការដោយរថភ្លើង និងអ្វីដែលខ្លួនចាត់ទុកជាក្បាលគ្រាប់ដែលមានល្បឿនលឿនជាសំឡេង៕

ប្រែសម្រួល៖ វីរបុត្រ
ប្រភព៖ AFP

Related Topics:ប្រទេសកូរ៉េខាងជើង