ព័ត៌មានអន្ដរជាតិ

ឡាវ បើកព្រលានយន្តហោះអន្តរជាតិថ្មីក្នុងតំបន់សេដ្ឋកិច្ចពិសេស ត្រីកោណមាស ខែមីនា

បានផុស

២ years មុន

នៅ

ថ្ងៃព្រហស្បតិ៍ ៦ មករា ២០២២

ដោយ

បើតាមវិទ្យុជាតិឡាវ (LNR) រាយការណ៍ថា ព្រលានយន្តហោះអន្តរជាតិថ្មីមួយក្នុងតំបន់សេដ្ឋកិច្ចពិសេសត្រីកោណមាសនៃខេត្ត Bokeo របស់ប្រទេសឡាវគ្រោងនឹងបញ្ចប់ការសាងសង់ និងបើកប្រើប្រាស់នៅខែមីនាឆ្នាំនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អភិបាលរងខេត្ត Bokeo លោក Khamphaya Phompanya បាននិយាយថា ការសាងសង់ដំណាក់កាលដំបូងនៃអាកាសយានដ្ឋានអន្តរជាតិថ្មីនេះមានតម្លៃ ១៥០ លានដុល្លារ ហើយវាមានសក្ដានុពលសំខាន់ក្នុងការទាក់ទាញភ្ញៀវទេសចរជាតិ និងអន្តរជាតិមកទស្សនាខេត្ត Bokeo កាន់តែច្រើន ។

លោកបន្តថា “ការសាងសង់អាកាសយានដ្ឋានអន្តរជាតិ Bokeo បានដំណើរការអស់រយៈពេល ២ ឆ្នាំហើយជិតរួចរាល់ហើយ ។ លោក Khamphaya បាននិយាយថា យន្តហោះបានសាកល្បងការហោះហើរ និងការចុះចតនៅកន្លែងអាកាសយានដ្ឋាន ក៏ដូចជាតេស្តប្រព័ន្ធទំនាក់ទំនង និងបរិក្ខារអាកាសយានដ្ឋានរួចហើយ” ។

ចំណែកក្រុមហ៊ុនអាកាសចរណ៍ក្នុងស្រុកដូចជា Lao Airlines និង Lao Skyway ក៏បានហោះហើរយន្តហោះរបស់ពួកគេទៅកាន់អាកាសយានដ្ឋានថ្មីដើម្បីសាកល្បងឧបករណ៍របស់ពួកគេរួចហើយផងដែរ ។

គួរបញ្ជាក់ថា អាកាសយានដ្ឋាននេះនឹងមានផ្លូវរត់ប្រវែង ២,៥០០ ម៉ែត្រ ដែលអាចផ្ទុកយន្តហោះធុនតូចទៅមធ្យម ដូចជាយន្តហោះ Airbus A320 និង Boeing B737 ដែលនឹងអាចហោះហើរ និងចុះចតបានស្របតាមស្តង់ដារអន្តរជាតិ ៕

ប្រែសម្រួលដោយ ៖ ជីវ័ន្ត

ប្រភព ៖ Laotian Times

ចុចអាន ៖ អាស៊ាន នៅសល់ប្រទេសមួយប៉ុណ្ណោះមិនទាន់រកឃើញ Omicron