ព័ត៌មានអន្ដរជាតិ
ឡាវ បើកព្រលានយន្តហោះអន្តរជាតិថ្មីក្នុងតំបន់សេដ្ឋកិច្ចពិសេស ត្រីកោណមាស ខែមីនា
បើតាមវិទ្យុជាតិឡាវ (LNR) រាយការណ៍ថា ព្រលានយន្តហោះអន្តរជាតិថ្មីមួយក្នុងតំបន់សេដ្ឋកិច្ចពិសេសត្រីកោណមាសនៃខេត្ត Bokeo របស់ប្រទេសឡាវគ្រោងនឹងបញ្ចប់ការសាងសង់ និងបើកប្រើប្រាស់នៅខែមីនាឆ្នាំនេះ ។
អភិបាលរងខេត្ត Bokeo លោក Khamphaya Phompanya បាននិយាយថា ការសាងសង់ដំណាក់កាលដំបូងនៃអាកាសយានដ្ឋានអន្តរជាតិថ្មីនេះមានតម្លៃ ១៥០ លានដុល្លារ ហើយវាមានសក្ដានុពលសំខាន់ក្នុងការទាក់ទាញភ្ញៀវទេសចរជាតិ និងអន្តរជាតិមកទស្សនាខេត្ត Bokeo កាន់តែច្រើន ។
លោកបន្តថា “ការសាងសង់អាកាសយានដ្ឋានអន្តរជាតិ Bokeo បានដំណើរការអស់រយៈពេល ២ ឆ្នាំហើយជិតរួចរាល់ហើយ ។ លោក Khamphaya បាននិយាយថា យន្តហោះបានសាកល្បងការហោះហើរ និងការចុះចតនៅកន្លែងអាកាសយានដ្ឋាន ក៏ដូចជាតេស្តប្រព័ន្ធទំនាក់ទំនង និងបរិក្ខារអាកាសយានដ្ឋានរួចហើយ” ។
ចំណែកក្រុមហ៊ុនអាកាសចរណ៍ក្នុងស្រុកដូចជា Lao Airlines និង Lao Skyway ក៏បានហោះហើរយន្តហោះរបស់ពួកគេទៅកាន់អាកាសយានដ្ឋានថ្មីដើម្បីសាកល្បងឧបករណ៍របស់ពួកគេរួចហើយផងដែរ ។
គួរបញ្ជាក់ថា អាកាសយានដ្ឋាននេះនឹងមានផ្លូវរត់ប្រវែង ២,៥០០ ម៉ែត្រ ដែលអាចផ្ទុកយន្តហោះធុនតូចទៅមធ្យម ដូចជាយន្តហោះ Airbus A320 និង Boeing B737 ដែលនឹងអាចហោះហើរ និងចុះចតបានស្របតាមស្តង់ដារអន្តរជាតិ ៕
ប្រែសម្រួលដោយ ៖ ជីវ័ន្ត
ប្រភព ៖ Laotian Times
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង