ព័ត៌មានអន្ដរជាតិ

ទៀតហើយ! ជប៉ុន ជួបគ្រោះរញ្ជួយដីខ្លាំងក្លាកម្រិត ៦.៦ រ៉ិចទ័រ

បានផុស

៤ years មុន

នៅ

ថ្ងៃសៅរ៍ ២២ មករា ២០២២

ដោយ

គ្រោះរញ្ជួយដីដ៏ខ្លាំងក្លាមួយក្នុងកម្រិត ៦.៦រ៉ិចទ័រ បានវាយប្រហារភាគខាងលិចប្រទេសជប៉ុន កាលពីព្រឹកមិញនេះ។ ដោយក្នុងនោះ តំបន់ដែលរងគ្រោះខ្លាំងមានទីក្រុង Oita, Miyazaki, Kumamoto និងខេត្ត Kochi ប៉ុន្តែមិនមានរលកយក្សស៊ូណាមិនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការរញ្ជួយដីនេះ បានវាយប្រហារនៅម៉ោងប្រហែល ០១:០៨ រំលងអាធាត្រ ឈានចូលថ្ងៃសៅរ៍។ ទីភ្នាក់ងារឧតុនិយមជប៉ុននិយាយថា ការផ្ដោតសំខាន់ គឺនៅក្នុងសមុទ្រ Hyuganada នៃឆ្នេរសមុទ្រ Kyushu ក្នុងជម្រៅ ៤៥ គីឡូម៉ែត្រ។

យ៉ាងណាមិញ គ្រោះរញ្ជួយដីនេះ មានអាំងតង់ស៊ីតេនៃប្រាំបូកលើមាត្រដ្ឋានរញ្ជួយដីរបស់ប្រទេសជប៉ុន ពី ០ ដល់ ៧ នៅក្នុងទីក្រុង Oita, Saiki និង Taketa ក្នុងខេត្ត Oita ទីក្រុង Nobeoka និងទីប្រជុំជន Takachiho ក្នុងខេត្ត Miyazaki ។

គ្រោះរញ្ជួយដីនេះ ក៏បានធ្វើឲ្យវាមានអាំងតង់ស៊ីតេនៃ ៥ ដកនៅក្នុងទីក្រុង Sukumo ក្នុងខេត្ត Kochi ទីក្រុង Aso ភូមិ Ubuyama និងទីប្រជុំជន Takamori ក្នុងខេត្ត Kumamoto; ទីក្រុង Usuki និង Yufu ក្នុងខេត្ត Oita; និងទីប្រជុំជន Tsuno និង Misato និងភូមិ Shiiba ក្នុងខេត្ត Miyazaki ។

ចំណែករំញ័រខ្សោយ ត្រូវបានគេដឹងថា នៅក្នុងតំបន់ធំទូលាយផ្សេងៗ រួមទាំងតំបន់ Tokai និង Hokuriku និងខ្សែសង្វាក់កោះ Izu ជាដើម៕

ប្រែសម្រួល៖ សាង ស្រីល័ក្ខ

ប្រភព៖NHK

ចុចអាន៖ជប៉ុន កំពុងរងការវាយប្រហារពីរលកយក្សស៊ូណាមិសាជាថ្មី

ចុចអាន៖មនុស្សស្រីស្រាតដាក់អាហារ Sushi លើរាងកាយ តាមពិតជាប្រពៃណីទំនៀមទម្លាប់របស់ ជប៉ុន