WHO ឲ្យប្រទេសអ្នកមានចាយលុយជួយប្រទេសក្រីក្រ ទើបអាចបញ្ចប់កូវីដ

អង្គការសុខភាពពិភពលោក (WHO) កំពុងអំពាវនាវឲ្យប្រទេសអ្នកមានបរិច្ចាគប្រាក់ ១៦ ពាន់លានដុល្លារដើម្បីជួយដល់ប្រទេសដែលមានប្រាក់ចំណូលទាប និងមធ្យម មានលទ្ធភាពទទួលបានវ៉ាក់សាំងកូវីដ សម្ភារៈព្យាបាល និងឧបករណ៍ធ្វើតេស្តរកកូវីដជាដើម ។

ការអំពាវនាវរបស់ WHO បានកើតឡើង បន្ទាប់ពីមានការឆ្លើយតបទៅនឹងការអំពាវនាវរបស់ខ្លួនក្នុងខែតុលាដើម្បីរៃអង្គាសប្រាក់ចំនួន ២៣.៤ ពាន់លានដុល្លារសម្រាប់កម្មវិធី ACT-Accelerator ខណៈក្នុងចំណោមទឹកប្រាក់ ១៦ ពាន់លានដុល្លារដែលបានស្នើសុំដើម្បីផ្តល់មូលនិធិដល់កម្មវិធីដ៏សំខាន់នេះ WHO រៃអង្គាសប្រាក់បានត្រឹមតែ ៨០០ លានដុល្លារប៉ុណ្ណោះ ។

ទន្ទឹមនោះ អគ្គនាយក WHO លោក Tedros Adhanom Ghebreyesus បានអំពាវនាវឲ្យប្រទេសអ្នកមានបង្កើនការគាំទ្ររបស់ពួកគេចំពោះប្រទេសក្រីក្រដើម្បីពន្លឿនការបញ្ចប់នៃជំងឺរាតត្បាត ខណៈប្រទេសប្រហែលពាក់កណ្តាលនៃពិភពលោកបានខកខានគោលដៅរបស់ WHO ក្នុងការចាក់វ៉ាក់សាំងយ៉ាងហោចណាស់ ៤០ ភាគរយនៃចំនួនប្រជាជនរបស់ពួកគេនៅចុងឆ្នាំ ២០២១ ។

គួរបញ្ជាក់ថា កម្មវិធី ACT-Accelerator គឺជាគំនិតផ្ដួចផ្ដើមជាសកលដើម្បីអភិវឌ្ឍ និងចែកចាយឧបករណ៍ធ្វើតេស្ត សម្ភារៈព្យាបាល វ៉ាក់សាំង និងឈុតការពារមេរោគ (PPE) ទៅកាន់ប្រទេសដែលមានចំណូលទាប និងមធ្យម ៕

ប្រែសម្រួលដោយ ៖ ជីវ័ន្ត

ប្រភព ៖ DW

ចុចអាន ៖ លើកនេះ អាមេរិកបារម្ភខ្លាំង វីរុសកូវីដបំប្លែងខ្លួនប្រភេទថ្មីទៀត អាចផ្ទុះចេញពីសត្វក្តាន់