ព័ត៌មានអន្ដរជាតិ
ការស្ទង់មតិ រកឃើញបេក្ខជនអាចឈ្នះតំណែងប្រធានាធិបតី ហ្វីលីពីន
កូនប្រុសរបស់លោក Ferdinand Marcos ដែលជាអតីតមេដឹកនាំផ្តាច់ការហ្វីលីពីន កំពុងនាំមុខគូប្រជែង សម្រាប់ការបោះឆ្នោតប្រធានាធិបតីក្នុងខែឧសភា។ នេះបើយោងតាមលទ្ធផលនៃការស្ទង់មតិថ្មីមួយដែលចេញផ្សាយកាលពីថ្ងៃអាទិត្យទី១៣ខែកុម្ភៈ។
ការស្ទង់មតិឯករាជ្យរបស់ Pulse Asia បានបង្ហាញថា លោក Ferdinand Marcos Jr ទទួលបានពិន្ទុ៤៤ នាំមុខអនុប្រធានាធិបតីហ្វីលីពីនលោកស្រី Leni Robredo ក្នុងការស្ទង់មតិចាប់ពីថ្ងៃទី១៩ ដល់ថ្ងៃទី២៤ខែមករា ពោលគឺការកើនឡើង១១ពិន្ទុបើធៀបនឹងការស្ទង់មតិលើកមុន កាលពីដើមខែធ្នូ។
អ្នកឆ្លើយសំណួរសរុប២,៤០០នាក់ ត្រូវបានស្នើឲ្យជ្រើសរើសជម្រើសដំបូងរបស់ពួកគេសម្រាប់ប្រធានាធិបតី និងអនុប្រធាន ប្រសិនបើការបោះឆ្នោតត្រូវបានធ្វើឡើងក្នុងអំឡុងពេលនៃការស្ទង់មតិ ដោយក្នុងនោះមាន៦០% បង្ហាញពីចំណូលចិត្តសម្រាប់លោក Marcos ខណៈ ១៦% ជ្រើសរើសលោក Robredo។
នៅក្នុងការស្ទង់មតិដូចគ្នាកាលពីខែធ្នូ លោក Marcos បានឈរនៅលើកំពូលដោយមាន៥៣% បើប្រៀបធៀបទៅនឹង២០% សម្រាប់លោក Robredo។
ដោយឡែកកំពូលអ្នកប្រដាល់ Manny Pacquiao និងអភិបាលក្រុង ម៉ានីល លោក Francisco Domagoso កំពុងតាមពីក្រោយ ដោយម្នាក់ៗទទួលបាន៨% ខណៈសមាជិកព្រឹទ្ធសភា Panfilo Lacson ទទួលបាន៤%។
នៅប្រទេសហ្វីលីពីន ប្រធានាធិបតី និងអនុប្រធានាធិបតីត្រូវបានបោះឆ្នោតជ្រើសរើសដោយឡែកពីគ្នា។
អ្នកឈរឈ្មោះរួមតំណែងរបស់លោក Marcos គឺលោកស្រី Sara Duterte-Carpio ដែលជាកូនស្រីរបស់ប្រធានាធិបតីកំពុងកាន់អំណាច Rodrigo Duterte នៅតែជាឈរទីកំពូលសម្រាប់តំណែងអនុប្រធានាធិបតី ដោយនាំមុខ២១ពិន្ទុលើគូប្រជែងជិតស្និទ្ធបំផុតរបស់ខ្លួនគឺប្រធានព្រឹទ្ធសភា Vicente Sotto។
គួរបញ្ជាក់ថា ការបោះឆ្នោតផ្លូវការរបស់ប្រទេសហ្វីលីពីន នឹងរៀបចំធ្វើឡើងនៅថ្ងៃទី៩ ខែឧសភា ឆ្នាំ២០២២៕
ប្រែសម្រួល៖ Vann Vann
ប្រភព៖ Bangkok Post
ចុចអាន៖ Pacquiao ឈរឈ្មោះប្រជែង តំណែងប្រធានាធិបតី ហ្វីលីពីន ជាផ្លូវការ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)