ព័ត៌មានអន្ដរជាតិ

ការចរចា អ៊ុយក្រែន និងរុស្សីយល់ព្រមលើចំណុចមួយហើយ

បានផុស

៤ years មុន

នៅ

ថ្ងៃសុក្រ ៤ មីនា ២០២២

ដោយ

កាលពីថ្ងៃព្រហស្បតិ៍ម្សិលមិញ ប្រទេសរុស្ស៊ី និងអ៊ុយក្រែនបានយល់ព្រមពីតម្រូវការសម្រាប់ច្រករបៀងមនុស្សធម៌ដើម្បីជួយដល់ជនស៊ីវិលភៀសខ្លួនចេញពីការវាយប្រហារដែលឈានចូលថ្ងៃទី៨របស់ទីក្រុងមូស្គូ ដែលនេះជាការវិវឌ្ឍជាក់ស្តែងដំបូងក្នុងកិច្ចពិភាក្សា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សរាប់ពាន់នាក់ត្រូវបានគេជឿថាបានស្លាប់ ឬរបួស ខណៈការវាយប្រហារធំបំផុតលើរដ្ឋរបស់អឺរ៉ុបមួយនេះចាប់តាំងពីសង្គ្រាមលោកលើកទី២ដែលបានធ្វើឲ្យមានជនភៀសខ្លួនដល់ខ្ទង់លាននាក់ ប៉ះពាល់ធ្ងន់ធ្ងរដល់សេដ្ឋកិច្ចរបស់រុស្ស៊ី និងបារម្ភជម្លោះកាន់តែធ្ងន់ធ្ងរ។

កម្លាំងរុស្ស៊ីនៅតែបន្តឡោមព័ទ្ធ និងវាយប្រហារលើទីក្រុងនានារបស់អ៊ុយក្រែន ក្នុងនោះលើតំបន់ Mariupol ដែលជាទីក្រុងកំពង់ផែសំខាន់នៅភាគខាងកើតទទួលរងការវាយប្រហារពីការទម្លាក់គ្រាប់បែកយ៉ាងធ្ងន់ធ្ងរ ខ្វះទឹក និងថាមពល។ មន្ត្រីបាននិយាយថា ពួកគាត់មិនអាចជម្លៀសអ្នករងរបួសបានទេ។

បន្ទាប់ពីកិច្ចពិភាក្សាដែលមិនប្រាប់ពីទីកន្លែង ភាគីរុស្ស៊ីបាននិយាយថា «វឌ្ឍនភាពរីកចម្រើន»ត្រូវបានធ្វើឡើង ខណៈភាគីអ៊ុយក្រែនចង្អុលបង្ហាញពីការយោគយល់ក្នុងការជួយពលរដ្ឋសាមញ្ញ ប៉ុន្តែមិនទាន់ឈានដល់លទ្ធផលដែលទីក្រុងកៀវរំពឹងទុកនោះទេ។

ទីប្រឹក្សាប្រធានាធិបតីអ៊ុយក្រែន លោក Mykhailo Podolyak បាននិយាយថា ការផ្អាកជាបណ្តោះអាសន្នចំពោះការប្រយុទ្ធក្នុងទីតាំងត្រូវបានជ្រើសរើសក៏អាចទៅរួចដែរ។

លោកមានប្រសាសន៍ថា ៖«នោះគឺ មិនមែនគ្រប់កន្លែងទេ ប៉ុន្តែមានតែទីតាំងដែលជាច្រករបៀងមនុស្សធម៌ វានឹងអាចបញ្ឈប់ការវាយប្រហារបានសម្រាប់រយៈពេលនៃការជម្លៀសមនុស្ស»។

ពួកគេក៏បានឃើញផ្ទាល់ភ្នែកផងដែរពីការចែកចាយថ្នាំគ្រាប់ និងអាហារនៅកន្លែងដែលមានការប្រយុទ្ធគ្នាខ្លាំង។ ក្រុមអ្នកចរចានឹងជួបគ្នាម្តងទៀតនៅសប្តាហ៍ក្រោយ។ នេះបើយោងតាមទីភ្នាក់ងារសារព័ត៌មាន Belta ដែលស្រង់សំដីរបស់លោក Podolyak។

ប្រទេសលោកខាងលិចបានឆ្លើយតបនឹងការវាយប្រហាររបស់លោកប្រធានាធិបតីរុស្ស៊ី វ្លាឌីមៀរ ពូទីន ជាមួយនឹងការគាំទ្រយោធា និងទណ្ឌកម្មធ្ងន់ធ្ងរលើសេដ្ឋកិច្ចរបស់វិមានក្រឹមឡាំងមានទាំងស្ថាប័នរដ្ឋ ឯកជន និងបុគ្គល៕

ប្រែសម្រួល៖ វីរបុត្រ
ប្រភព៖ reuters

Related Topics: