Connect with us

ព័ត៌មានអន្ដរជាតិ

រយៈ​​ពេល​​​​២​​ឆ្នាំ​​ WHO នៅ​​តែ​​ព្រមាន​ជំងឺ​កូវីដ​​នៅ​​ឆ្ងាយ​​ទៀត

បានផុស

នៅ

មេ​ដឹក​នាំ​អង្គការ​សុខភាព​ពិភព​លោក (WHO) បាន​ទទួច​កាល​ពី​ថ្ងៃ​ពុធ ទី​៩​ ខែ​មីនា​នេះ​ថា ជំងឺ​​កូវីដ-១៩​នៅ​មាន​ពេល​វេលា​ឆ្ងាយ​ទៀត ពីរ​ឆ្នាំ​បន្ទាប់​ពី​លោក​បាន​ប្រើ​ពាក្យ​នេះ​លើក​ដំបូង​ដើម្បីរម្លឹក​ដល់​​ពិភព​លោក​​ឲ្យ​ក្រោក​ឡើង​ពី​ការ​គំរាម​កំហែង​​របស់​កូវីដ។

លោក Tedros Adhanom Ghebreyesus អគ្គ​នាយក​អង្គការ​សុខភាព​ពិភព​លោក​បាន​ប្រើ​ពាក្យ​នេះ​លើក​ដំបូង​​​រៀប​រាប់​ពី​កូវីដ-១៩​​កាល​ពី​ថ្ងៃ​ទី​១១ ខែ​មីនា​ ឆ្នាំ​២០២០។ រយៈ​ពេល​២​ឆ្នាំ​ក្រោយ​មក​ លោក​បាន​ទួញសោក​​​ដែល​វីរុស​នេះ​នៅ​តែ​​មាន​ការ​វិវឌ្ឍ​ និង​រាត​ត្បាត​​ខ្លាំង​​តាម​ផ្នែក​ខ្លះ​នៃ​ពិភព​លោក។

លោក Tedros Adhanom Ghebreyesus
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

WHO ​បានប្រកាស​ភាព​អាសន្ន​សុខភាព​សាធារណៈ​​នៃ​កង្វល់​អន្តរជាតិ​​ជា​កម្រិត​ខ្ពស់​បំផុត​នៃ​ការ​រម្លឹក​​នៅ​ក្នុង​បទ​បញ្ញត្តិ​របស់​ទី​ភ្នាក់​ងារ​សុខភាព​របស់​​អង្គការ​សហ​ប្រជា​ជាតិ​​កាល​ពី​ថ្ងៃ​ទី​៣០ ខែមករា ឆ្នាំ​២០២០ ដែល​ពេល​នោះ​នៅ​ខាង​ក្រៅ​ប្រទេស​ចិន​មាន​ករណី​ឆ្លង​ជាង​១០០​នាក់​ប៉ុណ្ណោះ និង​គ្មាន​អ្នក​ស្លាប់​ឡើយ។

ប៉ុន្តែ​ជំងឺ​នេះ​ប្រើ​ពេល​ត្រឹម​តែ​​រយៈ​ពេល​៦​សប្តាហ៍​បាន​រាល​ដាល​ដល់​ប្រទេស​ជា​ច្រើន​យ៉ាង​សកម្ម។ លោក Tedros ​បាន​ប្រាប់ក្នុង​សន្និសីទ​សារព័ត៌មាន​ ខណៈ​​​ករណី​ឆ្លង​សរុប​ទូទាំង​ពិភព​លោក​ជិត​៤៤៤​លាន​នាក់​ថា ៖«រយៈ​ពេល​​ពីរ​ឆ្នាំ​ចុង​ក្រោយ​នេះ មនុស្ស​ជាង​៦​លាន​នាក់​បាន​ស្លាប់»។

«ទោះ​ជា​មាន​សេចក្តី​រាយការណ៍​ថា ករណី​ឆ្លង និង​ស្លាប់​កំពុង​ធ្លាក់​ចុះ​ជា​សកល ហើយ​ប្រទេស​ជា​ច្រើន​បាន​លើក​បំរាម​រឹត​ត្បិត ក៏​ជំងឺ​រាត​ត្បាត​កូវីដ​នៅ​ឆ្ងាយ​ទៀត ហើយ​វា​នឹង​មិន​ហួស​​កន្លែង​ណា​មួយ​ឡើយ រហូត​​ដល់​បញ្ចប់​​គ្រប់​ទី​កន្លែង​ទាំង​អស់»។ មេ​អង្គការ​សុខភាព​ពិភព​លោក​បាន​និយាយ។

លោក​បាន​កត់​សំគាល់​ថា ៤៦​​%​​កើន​ឡើង​ក្នុង​ករណី​ឆ្លង​ថ្មី​កាល​ពី​សប្តាហ៍​មុន​នៅ​ក្នុង​តំបន់​ប៉ាស៊ីហ្វិក​ខាង​លិច​របស់ WHO ដែល​ជា​កន្លែង​មាន​ករណី​ឆ្លង​​សរុប​៣.៩​លាន​នាក់។

លោក​បន្ថែម​ថា ៖«វីរុស​នៅ​បន្ត​វិវឌ្ឍ ហើយ​យើង​ខ្ញុំ​បន្ត​ប្រឈម​នឹង​ឧបសគ្គ​ធំ​​ក្នុង​ការ​ចែក​ចាយ​វ៉ាក់សាំង ការ​ធ្វើ​តេស្ត និង​ការ​ព្យាបាល​គ្រប់​ទី​កន្លែង​ដែល​ពួក​គេ​ត្រូវ​ការ»។

លោក​ក៏​បាន​ដឹង​ពី​ការ​ព្រមាន​នៃ​ការ​ធ្វើ​តេស្ត​ធ្លាក់​ចុះ ដោយ​និយាយ​ថា វា​បន្សល់​ទុក​ពិភព​លោក​ស្ថិត​ក្នុង​ទី​ងងឹត​ចំពោះ​អ្វី​ដែល​ជា​ជំងឺ​កូវីដ-១៩​កំពុង​ដំណើរ​ការ។

«WHO ព្រួយ​បារម្ភ​ថា ប្រទេស​ជា​ច្រើន​កំពុង​កាត់​បន្ថយ​ការ​ធ្វើ​តេស្ត» លោក Tedros ​បាន​និយាយ និង​បន្ថែម​ថា «វា​រារាំង​ដល់​សមត្ថភាព​របស់​យើង​ខ្ញុំ​ដើម្បី​មើល​ឲ្យ​ឃើញ​​​ថា កន្លែង​ណា​ដែល​មាន​វីរុស ​តើ​វា​រាលដាលរបៀប​ណា​ និង​​វិវឌ្ឍ​​ខ្លួន​របៀប​ណា»៕

ប្រែ​សម្រួល៖ វីរបុត្រ
ប្រភព៖ AFP

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម