លោក ពូទីន ចេញច្បាប់បង្ក្រាប “ព័ត៌មានក្លែងក្លាយ” លើសកម្មភាពយោធា រុស្ស៊ី នៅបរទេស

ប្រធានាធិបតីរុស្ស៊ីលោក វ្ល៉ាឌីមៀ ពូទីន បានចុះហត្ថលេខាលើច្បាប់មួយស្ដីពីការបង្ក្រាបសម្រាប់ការផ្សព្វផ្សាយព័ត៌មានមិនពិត ឬខុសច្បាប់អំពីសកម្មភាពរបស់រុស្ស៊ីនៅក្រៅប្រទេស ។

ចំណាត់ការនេះធ្វើឡើង បន្ទាប់ពីការអនុម័តច្បាប់កាលពីថ្ងៃទី ៤ ខែមីនា ដែលកំណត់ការពិន័យ រួមទាំងការជាប់ពន្ធនាគាររហូតដល់ ១៥ ឆ្នាំសម្រាប់បុគ្គល និងអង្គការនានាដែលមានចេតនាផ្សព្វផ្សាយព័ត៌មានមិនពិតអំពីសកម្មភាពយោធារុស្ស៊ី ។

ច្បាប់ដែលត្រូវបានចុះហត្ថលេខាចូលជាធរមានកាលពីថ្ងៃសុក្រមិនត្រឹមតែគ្របដណ្តប់លើព័ត៌មានមិនពិតអំពីសកម្មភាពយោធារបស់រុស្ស៊ីប៉ុណ្ណោះទេ ថែមទាំងលើអង្គការរដ្ឋាភិបាលរបស់រុស្ស៊ីដែលកំពុងប្រតិបត្តិការនៅក្រៅប្រទេស រួមទាំងស្ថានទូតរបស់ខ្លួនផងដែរ ។

រដ្ឋបាល​លោក ពូទីន ហាក់​កំពុង​បង្កើន​ការបង្ក្រាប​ក្នុង​កិច្ច​ខិត​ខំ​ប្រឹង​ប្រែង​ដើម្បី​បំបាត់​ការ​តវ៉ា​ប្រឆាំង​នឹង​ការ​ឈ្លានពាន​អ៊ុយក្រែន ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ រុស្ស៊ី ប្រកាសជោគជ័យបញ្ចប់សង្គ្រាមដំណាក់កាលទី ១ នៅ អ៊ុយក្រែន