ព័ត៌មានអន្ដរជាតិ
រុស្ស៊ីសង្ឃឹមថា ប្រតិបត្តិការយោធានៅអ៊ុយក្រែននឹងចប់ក្នុងប៉ុន្មានថ្ងៃខាងមុខ
រដ្ឋាភិបាលទីក្រុងមូស្គូសង្ឃឹមថា ប្រតិបត្តិការយោធានៅប្រទេសអ៊ុយក្រែនប្រហែលជាចប់ក្នុងពេលឆាប់ៗខាងមុខនេះ អាចប៉ុន្មានថ្ងៃខាងមុខ។ នេះបើតាមការឲ្យដឹងពីអ្នកនាំពាក្យវិមានក្រឹមឡាំង លោក Dmitry Peskov បានប្រាប់សារព័ត៌មាន Sky News កាលពីថ្ងៃព្រហស្បតិ៍ម្សិលមិញ។
លោកប្រាប់ថា កងទ័ពរុស្ស៊ីនឹងបញ្ចប់ប្រតិបត្តិការដោយសម្រេចបានគោលដៅរបស់ខ្លួន ឬទីក្រុងមូស្គូ និងទីក្រុងកៀវនឹងឈានដល់កិច្ចព្រមព្រៀងមួយតាមរយៈការចរចា។
លោក Peskov បាននិយាយថា ទិដ្ឋភាពនៃកិច្ចព្រមព្រៀងសន្តិភាពពឹងផ្អែកភាគច្រើនលើភាពជាក់លាក់នៃគោលជំហររបស់អ៊ុយក្រែន និងឆន្ទៈរបស់គេដើម្បីយល់ព្រមលើលក្ខខណ្ឌរបស់រុស្ស៊ី។ ជាពិសេសអ្នកដែលទទួលខុសត្រូវចំពោះឧក្រិដ្ឋកម្មប្រឆាំងនឹងជនស៊ីវិលនៅតំបន់ Donbass ត្រូវតែនាំយកមកកាត់ទោស។
នៅពេលសួរអំពីការចោទប្រកាន់របស់ទីក្រុងកៀវលើទីក្រុងមូស្គូជុំវិញការសម្លាប់រង្វាលលើជនស៊ីវិលរាប់រយនាក់នៅទីក្រុងតូចរបស់អ៊ុយក្រែន លោក Peskov បាននិយាយថា ការអះអាងបែបនេះគ្មានអ្វីក្រៅពីក្លែងក្លាយច្បាស់លាស់នោះទេ។
«យើងខ្ញុំសូមបដិសេធ ទាហានរុស្ស៊ីអាចមានអ្វីមួយដូចគ្នានឹងអំពើឃោរឃៅទាំងនោះហើយថា សាកសពត្រូវបានគេដាក់លើដងផ្លូវទាំងនៅទីក្រុង Bucha»។ អ្នកនាំពាក្យវិមានក្រឹមឡាំងបានប្រាប់កាសែត Sky News និងបន្ថែមថា ៖«យើងកំពុងរស់នៅសព្វថ្ងៃនេះជាមួយនឹងការក្លែងបន្លំ និងភូតកុហក»។
លោក Peskov បាននិយាយថា ៖«រុស្ស៊ីមានចំណាប់អារម្មណ៍លើការស៊ើបអង្កេតដោយឯករាជ្យ និងមានគោលដៅមួយពិតប្រាកដចំពោះឧក្រិដ្ឋកម្មទាំងនោះ»។
យោងតាមលោក Peskov ឲ្យដឹងថា គោលបំណងមួយក្នុងចំណោមគោលដៅជាច្រើនអំពីប្រតិបត្តិការយោធាគឺដើម្បីបញ្ចៀសជម្លោះកាន់តែធំ ដែលហៅថា សង្គ្រាមលោកលើកទី៣ ដែលទំនងជាមានការវាយប្រហារដោយនុយក្លេអ៊ែរ។ ប្រសិនបើអ៊ុយក្រែនចូល ណាតូ ហើយបន្ទាប់មកព្យាយាមដណ្តើមយកតំបន់ Crimea ដោយកម្លាំងយោធា នោះសមាជិកណាតូដែលមានអាវុធនុយក្លេអ៊ែរនឹងការពារអ៊ុយក្រែន អីចឹងអាចរាលដាលជម្លោះជាសកល៕
ប្រែសម្រួល៖ វីរបុត្រ
ប្រភព៖ RT
-
ព័ត៌មានអន្ដរជាតិ១ សប្តាហ៍ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៥ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៦ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៦ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS