ព័ត៌មានអន្ដរជាតិ
កូរ៉េខាងជើងអះអាង សម្រេចបានលទ្ធផលល្អ ក្នុងការប្រយុទ្ធជាមួយកូវីដ ទោះករណីគ្រុនក្តៅកើនលើស ២លាននាក់
ប្រទេសកូរ៉េខាងជើង បាននិយាយនៅថ្ងៃសុក្រទី២០ ខែឧសភានេះថា ខ្លួនកំពុងសម្រេចបាននូវលទ្ធផលដ៏ល្អ ក្នុងការប្រយុទ្ធប្រឆាំងនឹងការផ្ទុះឡើងនៃជំងឺកូវីដ១៩ ខណៈចំនួនអ្នកដែលចេញរោគសញ្ញាគ្រុនក្តៅ កើនលើស២លាននាក់ហើយ។
ប្រទេសនេះរាយការណ៍ថា មនុស្សចំនួន ២៦៣ ៣៧០នាក់ទៀត មានរោគសញ្ញាគ្រុនក្តៅ និង ស្លាប់ថ្មី២នាក់ ដែលធ្វើឲ្យករណីគ្រុនក្តៅសរុបកើនដល់ ២.២៤លាននាក់ គិតត្រឹមល្ងាចថ្ងៃព្រហស្បតិ៍ រួមទាំងអ្នកស្លាប់ ៦៥ នាក់។ នេះបើយោងតាមប្រព័ន្ធផ្សព្វផ្សាយរដ្ឋ KCNA។
ទោះយ៉ាងនេះក្តី កូរ៉េខាងជើង មិនបានរាយការណ៍ថាតើ មានករណីប៉ុន្មាននាក់ ធ្វើតេស្តវិជ្ជមានចំពោះមេរោគកូវីដ១៩នោះទេ។
ថ្វីបើករណីហក់ឡើងខ្ពស់ក៏ដោយ, កូរ៉េខាងជើងនិយាយថា ការធ្វើកសិកម្មនៅតែបន្ត រោងចក្រកំពុងដំណើរការ ហើយខ្លួនគ្រោងរៀបចំពិធីបុណ្យសពថ្នាក់រដ្ឋ សម្រាប់អតីតឧត្តមសេនីយ៍ម្នាក់ទៀតផង។
ការកើនឡើងនៃករណីឆ្លង និងកង្វះធនធានវេជ្ជសាស្រ្ត និងវ៉ាក់សាំង បាននាំឲ្យទីភ្នាក់ងារសិទ្ធិមនុស្សរបស់អង្គការសហប្រជាជាតិ ព្រមានពីផលវិបាកដ៏បំផ្លិចបំផ្លាញ សម្រាប់ប្រជាជនចំនួន ២៥លាននាក់របស់ប្រទេសកូរ៉េខាងជើង ខណៈមន្ត្រីអង្គការសុខភាពពិភពលោកព្រួយបារម្ភថា ការរីករាលដាលដែលមិនបានត្រួតពិនិត្យ អាចបង្កឲ្យមានវីរុសកូវីដបំប្លែងខ្លួនប្រភេទថ្មីៗ ដែលកាន់តែសាហាវនិងគ្រោះថ្នាក់។
លោក Martyn Williams អ្នកស្រាវជ្រាវនៅ 38 North មានមូលដ្ឋាននៅសហរដ្ឋអាមេរិកបាននិយាយថា ករណីគ្រុនក្តៅដែលរាយការណ៍ដោយរដ្ឋាភិបាលកូរ៉េខាងជើង បានធ្លាក់ចុះនៅក្នុងទីក្រុងព្យុងយ៉ាង ប៉ុន្តែកើនឡើងនៅតាមបណ្តាខេត្តជនបទ។
ស្របពេលជាមួយគ្នានោះដែរ ប្រទេសកូរ៉េខាងត្បូង និងសហរដ្ឋអាមេរិក សុទ្ធតែបានស្នើសុំជួយកូរ៉េខាងជើង ក្នុងការប្រយុទ្ធប្រឆាំងនឹងមេរោគនេះ រួមទាំងការផ្តល់ជំនួយផងដែរ ប៉ុន្តែមិនទាន់ទទួលបានការឆ្លើយតបណាមួយឡើយ៕
ប្រែសម្រួល៖ Vann Vann
ប្រភព៖ CNA
ចុចអាន៖ កូរ៉េខាងជើង ប្រហែលមានអ្នកឆ្លងកូវីដ ជាង ១លានករណីឯណោះ
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore