ព័ត៌មានអន្ដរជាតិ

អាមេរិកហៅដំណើរទស្សនកិច្ចរបស់ប្រធានសិទ្ធិមនុស្ស UN ទៅចិនជាកំហុសឆ្គង

បានផុស

៤ years មុន

នៅ

ថ្ងៃពុធ ២៥ ឧសភា ២០២២

ដោយ

វាជាកំហុសឆ្គងមួយសម្រាប់ប្រធានសិទ្ធិមនុស្សអង្គការសហប្រជាជាតិដែលយល់ព្រមធ្វើដំណើរទស្សនកិច្ចទៅប្រទេសចិន។ នេះជាការលើកឡើងរបស់ក្រសួងការបរទេសអាមេរិកកាលពីថ្ងៃអង្គារ៍ ចំពេលមានការព្រួយបារម្ភថា ការរឹតត្បិតរបស់រដ្ឋាភិបាលលើការចូលរបស់លោកស្រីអាចធ្វើឲ្យខូចខាតដល់កំណត់ត្រាសិទ្ធិមនុស្សរបស់ទីក្រុងប៉េកាំង។

ក្នុងដំណើរទស្សនកិច្ចរយៈពេល៥ថ្ងៃដែលនឹងចាប់ផ្តើមពីថ្ងៃចន្ទ លោកស្រី Michelle Bachelet ឧត្តមស្នងការជាន់ខ្ពស់ទទួលបន្ទុកសិទ្ធិមនុស្សរបស់អង្គការសហប្រជាជាតិនឹងធ្វើដំណើរទស្សនិច្ចទៅកាន់តំបន់ស៊ីនជាំងភាគខាងលិចប្រទេសចិនដែលជាកន្លែងការិយាល័យរបស់លោកស្រីបាននិយាយកាលពីឆ្នាំមុនថា ខ្លួនជឿជាក់ថា ជនជាតិមូស្លីមភាគតិច Uyghurs ត្រូវបានឃុំខ្លួនដោយខុសច្បាប់ ធ្វើបាប និងបង្ខំឲ្យធ្វើការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហរដ្ឋអាមេរិកបានហៅសកម្មភាពដែលបានចោទទាំងនោះថាជា “ប្រល័យពូជសាសន៍” ប៉ុន្តែទីក្រុងប៉េកាំងបដិសេធរាល់ការបំពានទាំងអស់។

អ្នកនាំពាក្យក្រសួងការបរទេសអាមេរិក លោក Ned Price បាននិយាយថា ៖«យើងខ្ញុំមិនមានសេចក្តីរំពឹងថា ចិននឹងបើកឲ្យចូលតាមការចាំបាច់ដែលត្រូវការអនុវត្តពេញលេញនោះទេ។ ការវាយតម្លៃដោយគ្មានការរៀបចំពីបរិស្ថានសិទ្ធិមនុស្សនៅស៊ីនជាំង»។

«យើងខ្ញុំគិតថា វាជាកំហុសឆ្គងមួយដែលយល់ព្រមធ្វើដំណើរទស្សនកិច្ចក្នុងកាលៈទេសៈនេះ»។ លោក Price បាននិយាយ និងបន្ថែមថា លោកស្រី Bachelet នឹងមិនអាចទទួលបានរូបភាពពេញលេញនៃអំពើឃោរឃៅ ឧក្រិដ្ឋកម្មប្រឆាំងនឹងមនុស្សជាតិ និងប្រល័យពូជសាសន៍នៅក្នុងតំបន់។

លោកស្រី Bachelet បានស្នើសុំដើម្បីចូលតំបន់ស៊ីនជាំងដោយគ្មានការហាមឃាត ប៉ុន្តែក្រសួងការបរទេសចិនបាននិយាយថា ដំណើរទស្សនកិច្ចរបស់លោកស្រីនឹងត្រូវបានធ្វើឡើងនៅក្នុងរង្វិលជុំ ខណៈមនុស្សត្រូវបានដាក់ឲ្យនៅដាច់ដោយឡែកដោយសារវិធានការទប់ស្កាត់កូវីដ-១៩។

ដើមឡើយ ប្រទេសចិនបានបដិសេធថា គ្មានការឃុំឃ្លាំងណាមួយនោះទេ ប៉ុន្តែក្រោយមកបានទទួលស្គាល់ថា ខ្លួនបានបង្កើតមជ្ឈមណ្ឌលហ្វឹកហ្វឺនវិជ្ជាជីវៈដើម្បីទប់ស្កាត់ចំពោះអ្វីដែលខ្លួនហៅថា គឺជាអំពើភេរវកម្ម ការបំបែកខ្លួន និងលទ្ធិរ៉ាឌីកាល់សាសនានៅស៊ីនជាំង៕

ប្រែសម្រួល៖ វីរបុត្រ
ប្រភព៖ Reuters

Related Topics:សហរដ្ឋអាមេរិក