Connect with us

ព័ត៌មានអន្ដរជាតិ

រុស្ស៊ី ​ប្រាប់​ឲ្យយុទ្ធជនអ៊ុយក្រែន​នៅ Severodonetsk ទម្លាក់អាវុធចុះ (មានវីដេអូ)

បានផុស

នៅ

ប្រទេសរុស្សី បានប្រាប់ទាហានអ៊ុយក្រែនដែលជាប់គាំងនៅក្នុងរោងចក្រគីមី Azot នៃទីក្រុង Severodonetsk ឲ្យទម្លាក់អាវុធចុះ ចាប់ពីម៉ោង៨ព្រឹកថ្ងៃពុធ (ម៉ោងនៅទីក្រុងមូស្គូ) បន្ទាប់ពីខ្លួនបានប្រកាសថា ខ្លួននឹងផ្តល់ឱកាសឲ្យពួកយុទ្ធជនចុះចូល។

ទីភ្នាក់ងារព័ត៌មាន Interfax បានដកស្រង់សម្តីលោក Mikhail Mizintsev ប្រធានមជ្ឈមណ្ឌលគ្រប់គ្រងការពារជាតិរបស់រុស្ស៊ី ដែលបាននិយាយថា យុទ្ធជនត្រូវបានប្រាប់ឲ្យបញ្ឈប់ការតស៊ូទាំងមិនដឹងខ្លួនរបស់ពួកគេ ហើយដាក់អាវុធចុះ។

អ៊ុយក្រែននិយាយថា កងទ័ពរបស់ខ្លួននៅតែឈរជើងក្នុងទីក្រុង Severodonetsk បន្ទាប់ពីស្ពានចុងក្រោយដែលតភ្ជាប់ទីក្រុងនេះ និងទឹកដីកាន់កាប់ដោយអ៊ុយក្រែន ត្រូវបានបំផ្លាញដោយកងកម្លាំងរុស្ស៊ី។

ស្របពេលជាមួយគ្នានោះ អភិបាលក្រុង លោក Oleksandr Stryuk បាននិយាយថា ថ្វីបើស្ពានចុងក្រោយរបស់ទីក្រុង Sievierodonetsk ដែលឆ្លងកាត់ទន្លេ Siverskyi Donets ត្រូវបានកាត់ផ្តាច់ក៏ដោយ ប៉ុន្តែការជម្លៀសមនុស្សនៅតែត្រូវបានអនុវត្ត រៀងរាល់នាទីដែលមានលទ្ធភាព។

យោងតាមអ៊ុយក្រែន ជនស៊ីវិលជាង ៥០០ នាក់កំពុងជាប់នៅក្នុងរោងចក្រគីមី Azot ជាកន្លែងដែលកងកម្លាំងរបស់ខ្លួន ទប់ទល់នឹងការទម្លាក់គ្រាប់បែក និងការវាយលុករបស់រុស្ស៊ីជាច្រើនសប្តាហ៍មកហើយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNA, BBC

ចុចអាន៖ លោក Zelensky ប្រកាសក្តែងៗ ទៅវាយយកទឹកដី Crimea និង Donbass មកវិញឲ្យខានតែបាន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម