អ៊ុយក្រែន កំពុងការពារបានយ៉ាងរឹងមាំពីការវាយលុករបស់ រុស្ស៊ី

បើយោងតាមការធ្វើបច្ចុប្បន្នភាពចុងក្រោយពីវិទ្យាស្ថានសម្រាប់ការសិក្សាសង្គ្រាម (ISW) បានឲ្យដឹងថា ប្រទេសរុស្ស៊ីកំពុងដាក់ពង្រាយកងកម្លាំងបន្ថែមទៀតដើម្បីគាំទ្រការវាយលុករបស់ខ្លួននៅក្នុងទីក្រុង Severodonetsk និងតំបន់ Lysychansk ប៉ុន្តែកងកម្លាំងអ៊ុយក្រែននៅតែមានការការពារយ៉ាងរឹងមាំ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារដែលមានមូលដ្ឋាននៅសហរដ្ឋអាមេរិកមួយនេះបាននិយាយថា “យោធារុស្ស៊ីបានប្រមូលផ្តុំកម្លាំងប្រយុទ្ធដើម្បីដណ្តើមយកទីក្រុង Severodonetsk និងតំបន់ Lysychansk ប៉ុន្តែការឆ្ពោះទៅមុខរបស់ទ័ពជួរមុខកំពុងទទួលរងនូវការខូចខាតយ៉ាងធ្ងន់ធ្ងរ” ។

ទន្ទឹមនោះវាក៏កើតឡើង ស្របគ្នារដ្ឋមន្ត្រីការពារជាតិអាមេរិកលោក Lloyd Austin បាននិយាយថា លោកមានមោទនភាពយ៉ាងខ្លាំងចំពោះការការពារប្រទេស ក៏ដូចជាវឌ្ឍនភាពដែលអ៊ុយក្រែនបានធ្វើឡើងក្នុងសង្គ្រាមលុកលុយរបស់រុស្ស៊ីក្នុងរយៈពេលជាច្រើនខែកន្លងមកនេះ ហើយស្នើរដ្ឋាភិបាលទីក្រុងកៀវបន្តការងារដ៏ល្អនេះទៀត ។

គួរបញ្ជាក់ថា សង្គ្រាមលុកលុយរបស់រុស្ស៊ីលើអ៊ុយក្រែនដែលលោកប្រធានាធិបតី វ្ល៉ាឌីមៀ ពូទីន ចាត់ទុកជា “ប្រតិបត្តិការយោធាពិសេស” បានអូសបន្លាយពេលជិត ៤ ខែហើយ បន្ទាប់ពីទីក្រុងមូស្គូផ្ទុះការវាយលុកលើទីក្រុងកៀវកាលពីថ្ងៃទី ២៤ ខែកុម្ភៈ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ លោក ពូទីន ថា រុស្ស៊ី មិនខ្វល់ពី អ៊ុយក្រែន ទទួលបានឋានៈបេក្ខភាព អឺរ៉ុប ឡើយ