ព័ត៌មានអន្ដរជាតិ
ស្រីលង្កា កំណត់ការលក់ប្រេងឥន្ធនៈតែសេវាកម្មសំខាន់ៗប៉ុណ្ណោះ ហើយឲ្យ ប្រជាជនធ្វើការពីផ្ទះ
រដ្ឋមន្ត្រីក្រសួងដឹកជញ្ជូនស្រីលង្កាលោក Bandula Gunawardena បាននិយាយកាលពីថ្ងៃចន្ទថា អាជ្ញាធរស្រីលង្កាបានកំណត់ការលក់ប្រេងឥន្ធនៈចំពោះតែសេវាកម្មសំខាន់ៗប៉ុណ្ណោះដើម្បីទប់ទល់នឹងការខ្វះខាតប្រេងឥន្ធនៈសាជាថ្មី ។
លោក Gunawardena បាននិយាយថា “គណៈរដ្ឋមន្ត្រីបានសម្រេចចិត្តផ្តល់ប្រេងឥន្ធនៈសម្រាប់តែសេវាកម្មសំខាន់ៗប៉ុណ្ណោះ ចាប់ពីពេលនេះរហូតដល់ថ្ងៃទី ១០ ខែកក្កដា ហើយលោកក៏បានជំរុញឲ្យនិយោជិតទាំងសាធារណៈ និងឯកជនដាក់ពាក្យធ្វើការតាមផ្ទះរហូតដល់ថ្ងៃបញ្ចប់ការកំណត់” ។
លោក Gunawardena បានបញ្ជាក់ថា ប្រេងឥន្ធនៈនឹងត្រូវបានផ្គត់ផ្គង់សម្រាប់តែសេវាសំខាន់ៗដូចជា វិស័យសុខាភិបាល ការដឹកជញ្ជូនម្ហូបអាហារ វិស័យកសិកម្ម និងមន្ទីរពេទ្យ ។
បច្ចុប្បន្នស្រីលង្កាកំពុងប្រឈមមុខនឹងវិបត្តិនយោបាយ និងសេដ្ឋកិច្ចអាក្រក់បំផុត ចាប់តាំងពីទទួលបានឯករាជ្យនៅឆ្នាំ ១៩៤៨ ។ នៅពាក់កណ្តាលខែមេសា ស្រីលង្កាបានសងបំណុលបរទេសរបស់ខ្លួនជាបណ្តោះអាសន្ន ហើយពេលនេះកំពុងរង់ចាំការរៀបចំរចនាសម្ព័ន្ធឡើងវិញក្រោមកម្មវិធីកែសម្រួលសេដ្ឋកិច្ចដែលគាំទ្រដោយ IMF ខណៈបំណុលបរទេសរបស់ប្រទេសស្រីលង្កាត្រូវបានប៉ាន់ប្រមាណថាមានចំនួន ៥១ ពាន់លានដុល្លារ ។
វិបត្តិសេដ្ឋកិច្ចនេះបណ្តាលមកពីកង្វះរូបិយប័ណ្ណបរទេសដែលបណ្តាលមកពីការធ្លាក់ចុះនៃវិស័យទេសចរណ៍ អំឡុងពេលជំងឺរាតត្បាតកូវីដ ១៩ ដោយធ្វើឲ្យប្រទេសនេះមិនអាចទិញប្រេងឥន្ធនៈគ្រប់គ្រាន់ ហើយប្រជាជនប្រឈមមុខនឹងការខ្វះខាតស្បៀងអាហារ ប្រេងឥន្ធនៈ និងឧស្ម័ន ខណៈតំបន់ជាច្រើនប្រឈមនឹងការដាច់ចរន្តអគ្គិសនីជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល